विराटनगर । अन्तराष्ट्रिय युवा दिवसको अवसरमा विराटनगरको डिएभी स्कूलमा वक्तृत्वकला प्रतियोगिता सम्पन्न भएको छ । रोटरी क्लब अफ विराटनगर डाउनटाउन अन्तर्गत इन्ट्रयाक्ट क्लब डिएभी र डिपिएसको आयोजनामा सो प्रतियोगिता सम्पन्न भएको हो ।

‘माबाइल फोन आशिर्वाद वा श्राप ?’ भन्ने विषयमा विद्यार्थीहरुले तर्क गरेका थिए । प्रतियोगितामा डिएभी र डिपिएस स्कूलमा अध्ययनरत विद्यार्थीहरुले सहभागीता जनाएका थिए ।
प्रतियोगितामा निर्णायकको रुपमा ५४ भन्दा बढी देशमा प्रस्तुती दिइसकेका मोटिभेसनल स्पीकर बैभव नाहटा रहेका थिए । कार्यक्रममा सहभागी सबै विद्यार्थी तथा सहभागीहरुलाई प्रमाणपत्र प्रदान गरिएको थियो ।

शिक्षक, प्रिन्सिपल र निर्णायकहरुलाई मायाको चिनोस्वरुप एक/एक वटा विरुवा प्रदान गरिएको रोटरी क्लब अफ विराटनगर डाउनटाउनकी अध्यक्ष मञ्जु अग्रवालले जानकारी दिइन् ।
कार्यक्रममा रोटरी क्लब अफ विराटनगर डाउनटाउनका पदाधिकारी र सदस्यहरुको उपस्थिती रहेको थियो ।

सो अवसरमा विद्यार्थीहरुले नटक समेत प्रस्तुत गरेका थिए । आमाबाबुलाई अशक्त भएपछि कसरी छोराछोरीले बृछा आश्रममा छाड्छन् भन्ने विषयमा प्रस्तुत गरिएकाृे नाटकले सवैको मन छोएको थियो ।