विराटनगर । विराटनगर महानगर विद्यालयस्तरीय बुद्धिचाल प्रतियोगिताको उपाधि विराटनगरस्थित बुढानिलकण्ठ माध्यमिक अंग्रेजी विद्यालयका आयुष शर्माले जितेका छन् ।

विराट बुद्ध स्पोर्टिङ्ग क्लबले अन्तर्राष्ट्रिय युवा दिवसको अवसरमा सगरमाथा स्कुलमा सोमबार आयोजना गरेको प्रतिोगितामा २६ जना प्रतियोगिहरुलाई पछि पार्दै आयुषले उपाधि जितेको हो ।

प्रतियोगिताको द्धितीय पोखरिया माध्यमिक विद्यालयका आर्यन श्रेष्ठ, तृतीय सगरमाथा स्कुलका भानु गौतम र चौथो एजेलिया स्कुलका प्रज्ञान गुरागाईं घोषित भए ।

प्रतियोगितामा प्रथम हुनेले पाँच हजार एक सय, द्धितीयले ३ हजार ६ सय, तृतीयले २ हजार १ सय र चौथो हुनेले १ हजार १ सय रुपैयाँसहित मेडल तथा प्रमाणपत्र जिते । उक्त प्रतियोगितामा विराटनगर महानगरपालिका भित्रका ११ विद्यालयका २७ जना विद्यार्थीले भाग लिएको प्रतियोगिताका संयोजक तथा स्पोर्टिङ्ग क्लबका कार्यसमिति सदस्य ग्याल्जेन डुक्पा लामाले जानकारी दिए ।

प्रतियोगिताको उद्घाटन गर्दै कोशी प्रदेश खेलकुद विकास बोर्डका सदस्य सचिव कृष्ण ( पर्शुराम ) बस्नेतले खेलकुदले युवाहरुमा राष्ट्रिय एकता तथा भावनाको विकास गरेर अगाडी बढनुपर्ने बताए । उनले खेलले युवाहरुमा सकरात्मक भावनाको तथा अनुशासनको विकासमा मुख्य भूमिका खेल्ने बताए । प्रदेश खेलकुद विकास बोर्डले छिट्टै प्रदेशस्तरीय बुद्धिचाल प्रतियोगिता संचालन गर्ने उनको भनाई छ । स्पोर्टिङ्ग क्लबका अध्यक्ष रोहित कोइरालाले विद्यार्थीहरुको क्षमता अभिवृद्धीको लागि विद्यालयस्तरीय प्रतियोगितासँगै क्लबले अझ व्यापक ढंगले विभिन्न खेलको प्रतियोगिता गरेर अगाडी बढने बताए ।
सो प्रतियोगितामा प्राविधिक सहयोग नेपाल चेस फेडेरेशन पथरी शनिश्चरे र मुख्य प्रवर्द्धक कोशी प्रदेश खेलकुद विकास बोर्डले गरेको थियो ।