विराटनगर । डियुटिमा खटिएको प्रहरीलाई लडाएर विराटनगरस्थित कोशी अस्पतालबाट फरार भएका विराटनगर–८ घर भएका २३ वर्षीय आर्यन महमद अहमद खान भनिने मोहमद अहमदलाई प्रहरीले कैदी भागेको कुरमा म्याद थप गरेर अनुसन्धान सुरु गरेको छ । फरार भएर पक्राउ परेका कैदीलाई मोरङ प्रहरीले कैदी भागेको कुरमा बिहीबार म्याद थप गरेर अनुसन्धान सुरु गरेको हो ।
कारगारा ऐन, २०७९ मा कैदी भागेको पुष्टि भए पाँच वर्ष कैद वा ५० हजार रुपैयाँसम्म जरिवना हुने कानुनी व्यवस्था रहेको छ । अहमद जबरजस्ती करणी मुद्दामा दोषी ठहर भएर तीन महिनादेखि मोरङ कारागारमा सजाय भुक्तान गरिरहेका कैदी हुन् । उनलाई जिल्ला अदालत मोरङले २०८१ वैशाख ७ गते १२ वर्ष कैद सजाय फैसला गरेको थियो । उनी इप्रका बेलबारीले २०७९ फागुन ४ गते पक्राउ परेका थिए ।
फरार भएका कैदीको हकमा थप सजाय हुने कारागार ऐन, २०७९ मा उल्लेख छ ।