विराटनगर । बैदेशिक रोजगारीको सिलसिलामा प्रेमिका बिदेश जाने भएपछि सुनसरी दुहबी नगरपालिका – ६ घर भएका ५० वर्षीय सन्जय पासवानले आफ्नै प्रेमिकाको बहिनीको ६ वर्षीया छोरी अपहरण गरेको प्रहरीको अनुसन्धानबाट खुलेको छ ।

६ वर्षीया नाबालिका अपहरण गरेको आरोपमा प्रहरीले प्रेमि सन्जयसहित उनका दुई जना सहयोगीलाई पक्राउ गरेपछि यस्तो रहस्य बाहिर आएको हो ।

सुनसरी प्रहरी कोशी प्रदेश प्रहरी प्रहरी कार्यालय विराटनगरको रिटको टोली र मोरङ प्रहरीबाट खटिएको संयुक्त टोलीले अपहरणमा परेकी नाबालिकालाई २७ घण्टाभित्र सकुल उद्धार गर्दै तीन जनलाई नियन्त्रणमा लिन प्रहरी सफल भएको छ । नाबालिका अपहरण गरेको आरोपमा प्रहरीले सन्जयसहित कलानन्द पासवान र सरिता पासवानलाई पनि पक्राउ गरेको सुनसरी प्रहरीका निमित्त कार्यालय प्रमुख प्रहरी नायव उपरीक्षक नविनकृष्ण भण्डारीले जानकारी दिए । प्रहरीले उनीहरुलाई विराटनगर – १० स्थित मानव सेवा आश्रम अगाडीबाट बुधबार विहान पक्राउ गरेको उनले बताए ।

पक्राउ परेका मध्ये मुख्य अभियुक्त सन्जय रहेको अनुसन्धानबाट खुलेको प्रहरी उपरीक्षक भण्डारीले बताए । अपहरणमा परेकी नाबालिका र सन्जय आफन्त पर्दछन् । दुहवी नगरपालिका १० डुम्राहा स्थितबाट मंगलबार दिउँसो तीन बजे आफ्नै मामाघरको आँगनमा खेलि रहेको अवस्थामा सन्जयले अपहण गरेको प्रहरीले जनाएको छ । घरबाट अपहरण गरेर सन्जयले नाबालिकालाई विराटनगर १० मानव सेवा आश्रम अगाडी डेरामा लगेर राखेको थिए । प्रहरीले सोही डेराबाट बन्धक बनाएर राखिएको अवस्थामा नाबिालकालाई उद्धार गरेको डिएसपी भण्डारीले बताए । सुनसरी प्रहरी, कोशी प्रदेश प्रहरी कार्यालय विराटनगरका रिट र मोरङ प्रहरीले बन्धक बनाएको नाबालिकालाई उद्धार गरेर परिवारलाई जिम्मा लगाएको छ । प्रहरीको प्रराम्भि चरणको अनुसन्धानबाट नाबिलकाको ठुलो ममिसँग सन्जयको प्रेमसम्बन्ध रहेको थियो । उनीहरूबीच खटपट भएपछि नाबालिकाको ठूलो ममि सन्जयसँग सम्र्पकविहिन भएर बैदेशिक रोजगारमा जाने भनेर काठमाण्डौ गएर बसेकी थिइन् । ‘नाबालिका अपहरण गरेर कतै राखियो भने ठूलो ममी आफै सम्र्पकमा आउने भएकोले सन्जयले अपहरण गरेको देखिन्छ,’ घटनाको अनुसन्धान गर्दै आएका एक जना प्रहरी अधिकृतले भने, ‘संजय पासवानले पीडितालाई अपहरण गरी लगेपछि ती नाबालिकाको मामालाई फोन गरेर तेरो भान्जी मेरो कब्जामा छ । तेरो दिदिलाइ घर बोला अनि मात्र म बच्चालाई लिएर आउँछु । होईन भने अरुलाई दिन्छु भन्दै कल गरेको पनि देखिएको छ ।’ त्यसपछि पीडित प्रहरीले इलका प्रहरी कार्यालय दुहबीमा उजुरी दिएका थिए । इप्रका दुहबीका प्रहरी निरीक्षक मोहन पोखरेलको नेतृत्वमा खटिएको टोलीले नाबालिकालाई सकुसल उद्धार गरेर परिवारलाई जिम्मा लगाएको छ ।
सन्जय विवाहित हुन भने उनले प्रेम गरेको युवती अविवाहित हुन् । पक्राउ परेका तीन जनलाई इलका प्रहरी कार्यालय दुहबीले अपहरण तथा शरिर बन्धक मुद्दामा पाँच दिनको सुनसरी अदालतमा बुधबार म्याद थप गरी अनुसन्धान सुरु गरेको छ ।