विराटनगर । विराटनगर – ३ मोर्डन एरा स्कुल अगाडीबाट दिनदहाडै लुटपाट भएको छ । निमार्ण व्यवसायी बिवेक कर्णको अपिसबाट आज दिउँसो ३ बजे १४ लाख ४७ हजार रुपैयाँ लुटपाट भएको बताएका छन् । मोटसाइकलमा आएका दुई जना लुटेराले ब्यागमा राखिएको रकम लिटेर फरार भएको उनले बताए ।

उद्योगहरुमा कामदार पठाउने पाथिभरा म्यानपावर सप्लायर्सबाट रकम लुटपाट भएको उनले बताए । ‘लेभरको पेमेन्ट दिनको लागि विराटनगरको कन्चनबारीस्थित एभरेष्ट बैंकबाट दिउँसो मेरो ज्वाई अमरेस कुमार कर्णले १४ लाख ४७ हजार रुपैयाँ लिएर अपसिमा आइपुग्नुभएको थियो । मोटसाइकलमा आएका दुई जना मध्ये एक जना फोनमा बोल्दै भित्र आए । ब्यागमा राखिएको रकम लिएर फरार भए । त्यसपछि हामीले पनि लखेटौं । मोटरसाइकलमा बसेर लुटेरा आयल निगम तिर हुँदै फरार भए,’ कर्णले भने, ‘प्रहरीमा पनि जानकारी गराइसकेछ । अहिलेसम्म प्रहरी पनि आइपुगेको छैन ।’
यता मोरङ प्रहरीका प्रवक्ता डिएसपी ज्ञानेन्द्र बहादुर बस्नेतले अहिलेसम्म प्रहरीमा खबर नआएको बताए । ‘लुटपाट भयो भनेर हामीलाई खबर आएको छैन,’ उनले भने, ‘घटना के रहेछ हामी यस विषयमा बुझनेछौं ।’