विराटनगर । कोशी प्रदेशका मुख्यमन्त्री हिक्मतकुमार कार्कीले कृषिलाई प्रथमिकता दिन प्रदेशवासीलाई आग्रह गरेका छन् । खाद्य सुरक्षाको लागि देशकै प्रमुख अन्नबालीका रुपमा रहेको धानको उत्पादन बृद्धि गर्नु पर्ने आवश्यक्ता रहेको भन्दै मुख्यमन्त्री कार्कीले प्रदेश सरकारले यथोचित सहयोग गर्ने बताए ।

२१ औंँ राष्ट्रिय धान दिवसको अवसरमा आज शुभकामना सन्देश जारी गर्दै मुख्यमन्त्री कार्कीले कृषिलाई प्राथमिकतामा दिएर उत्पादन बढाउन आवश्यक रहेको बताए ।
कृषि क्षेत्रको सुधार नभएसम्म उद्योगहरुको अवस्थामा पनि सुधार नआउने भन्दै उहाँले कृषि क्षेत्रको विकासका लागि प्रदेश सरकारले सिमिति श्रोत र साधनकाबीच पनि प्राथमिकतामा राखेर काम गरिरहेको बताए । धानबालीको उत्पादन र उत्पादकत्व वृद्धि गरी समृद्ध अर्थतन्त्र निर्माणमा केन्द्रित हुन उनले आग्रह समेत गर्नुभयो । पछिल्लो समयमा बसाईसराई र विदेश पलायनले कृषि क्षेत्र धरासायी बन्दै गएकोमा चिन्ता व्यक्त गर्दै मुख्यमन्त्री कार्कीले दीगो विकासका लागि आधुनिक कृषि कर्ममा युवाहरुले चासो देखाउनु पर्ने बताए ।

यस बर्ष जलवायुमैत्री कृषि धान उत्पादनमा बृद्धि भन्ने नाराका साथ २१ औ धान दिवस मनाइँदै छ । धान लागयतका कृषि उत्पादनको वृद्धिका लागि गुणस्तरीय विउको उत्पादन र कृषिमा यान्त्रिकरणमा प्रदेश सरकारले काम गरिरहेको उन बताए ।

कोशी प्रदेशमा पहिलो बालीका रुपमा धान खेति हुँदै आएको छ । २ लाख ७६ हजार ३८६ हेक्टर जमिनमा धान खेती हुन्छ हुने गरेको छ । जसमध्ये अहिलेसम्म १३.७१ प्रतिशत अर्थात ३ हजार ७८०।३५ हेक्टर क्षेत्रफलमा धान रोपाँइ भएको छ । उच्च पहाडी क्षेत्रमा १७.४८ प्रतिशत क्षेत्रफलमा धान रोपिएको छ भने मध्य पहाडी क्षेत्रमा २१।२१ प्रतिशत तथा तराई क्षेत्रमा १०.७८ प्रतिशत क्षेत्रफलमा धान रोपाँइ भएको छ ।