विराटनगर प्राइम राउण्ड टेबलद्वारा कक्षा कोठा निर्माण गरि हस्तान्तरण

 न्यूज विराट
विराटनगर प्राइम राउण्ड टेबलद्वारा कक्षा कोठा निर्माण गरि हस्तान्तरण

विराटनगर । विराटनगर प्राइम राउण्ड टेबल नंं. १० ले कक्षा कोठाहरूको ब्लक हस्तान्तरण गरेको छ ।

टेबल नं. १० ले एक कार्यक्रमबीच नवनिर्मित ४ कक्षा कोठाहरूको ब्लक सोमबार विराटनगर–८ स्थित महेन्द्र माध्यमिक विद्यालयलाई हस्तान्तरण गरेको छ । टेबलले स्वर्गीय सुनिल टिबरेवालाको स्मृतिमा ब्लक निर्माण गरि विद्यालयलाई जिम्मा लगाएको हो । ब्लकको नाम सुनिल टिब्रेवाल ब्लक राखिएको छ । ब्लक निर्माण पूर्व टेबलर स्वर्गीय टिब्रेवालको नाममा समर्पित छ । ब्लकको उद्घाटन विराटनगरका मेयर नागेश कोइराला र टिबरेवालाकी आमा किरण टिबरेवालाले संयुक्त रूपमा रिवन काटेर गरेका थिए ।

३ हजार २ सय वर्गफिट ओगटेको ब्लकको निर्माणमा ४५ लाख रूपैयाँ खर्च भएको थियो । ब्लकको निर्माण ४ महिनामा सम्पन्न भएको थियो । महेन्द्रमा अंग्रेजी माध्यमका कक्षा ९ र १० का विद्यार्थीकालागि कक्षाकोठाको अभाव थियो । ब्लक निर्माणसँगै २ सय बढी विद्यार्थीले सजिलो गरी पढ्न पाउने भएका छन् ।

कार्यक्रममा बोल्दै टेबलका २०२३–२४ का अध्यक्ष निखिल वंशलले आज भावुक दिन भएको बताए । उनले विद्यालयलाई ४ कक्षा कोठासहितको ब्लक हस्तान्तरण गर्न पाउँदा आफूहरूलाई अपार खुशी लागेको बताए ।
टेबलका समन्वयक विवेक राठीले हालसम्म विभिन्न विद्यालयका ४५ बढी कक्षाकोठा निर्माण गरिएको बताए । उनले बालबालिका देशका भविष्य हुन भन्ने यथार्थलाई हृदयङ्गम गरि ठूलो नभएपनि कक्षा निर्माणजस्ता स–सानो कदम चालिएको बताए ।

टेबलका संस्थापक अध्यक्ष अनुपम राठीले राउण्ड टेबल १० देशको उदाहरणीय टेबल भएको बताए । उनले सिमित साधन र श्रोतका वावजुद उल्लेख्य सामाजिक र रचनात्मक कार्य गरिएको बताए । राठीले टिबरेवाला लोकप्रिय टेबलर भएको स्मरण गरे । ब्लक निर्माणले विद्यालय र टिबरेवालाको नाम युगौंयुगसम्म अमर रहने राठीले बताए ।
शिक्षा समन्वय इकाइका प्रमुख टंकप्रसाद गौतमले महेन्द्रमा टेबलले गरिदिएको भौतिक संरचना निर्माणले विद्यार्थीले पढ्नकालागि सहज वातावरण पाएको बताए । मेयर कोइरालाले महानगरपालिका रचनात्मक र सामाजिक कार्यमा जहिलेपनि सहयोग गर्न तत्पर भएको बताए । उनले नगरभित्रका सामुदायिक विद्यालयको पूर्वाधार सुधारमा ध्यान दिने बताए । कार्यक्रममा बालबालिकाले सांस्कृतिक कार्यक्रम समेत प्रस्तुत गरेका थिए ।

विराटनगर प्राइम राउण्ड टेबल नं. १० ले शिक्षा र सामुदायिक विद्यालयमा योगदान पु¥याउँदै आएको छ । विद्यालयको निर्माण, स्वास्थ्य सेवाको प्रवन्ध, सामाजिक र रचनात्मक कार्यमा टेबल नं. १० सक्रिय छ । विराटनगर–८ का वडाध्यक्ष राम पोखरेल र विद्यालयका प्रधानाध्यापक विष्णुकान्त झा, अतुल सिंघानिया र अभिषेक केडिया भवन उद्घाटन समारोहमा सहभागि थिए ।

सम्बन्धित समाचार

विराटनगरमा अत्याधिक भीडभाड, संक्रमणको जोखिम अझ बढ्यो(फोटो फिचर)

विराटनगर, साउन १९–विराटनगर महानगरपालिकाले जारी गरेको लक डाउन उ्रल्लंघन गर्दै अत्याधि भिडभाड हुन थालेको छ । लक डाउन कार्यान्वयन फितलो भएका कारण सर्वसाधरणले वेवास्ता गर्दै भिढभाड गरेका हुन् । सोमबार जनै पूर्णिमाका दिन विहानैदेखि विराटनगमा...

विराटनगरमा संचालनमा आयो सृजा मेकअप एण्ड नेल स्टुडियो

विराटनगर । विराटनगर – २ मुनालपथस्थित सृजा मेकअप एण्ड नेल स्टुडियो संचालनमा आएको छ । करिब २२ लाख रुपैयाँ लागतमा बुधबार एक कार्यक्रमको बीच सृजा मेकअप एण्ड नेल स्टुडियो संचालनमा आएको हो । उक्त स्टुडियोको...

विराटनगरमा तेक्वान्दोको ग्रेडिङ परीक्षा कार्यक्रम सुरू

विराटनगर । विराटनगरमा तेक्वान्दो खेलको ग्रेडिङ परीक्षा कार्यक्रम सुरू भएको छ । प्रदेश नं. १ आइटिएफ तेक्वान्दो संघको आयोजनामा विराटनगरमा बिहीबारदेखि ग्रेडिङ परीक्षा सुरु भएको हो । तेक्वान्दोको कालोपेटी प्रथम, कालोपेटी दोस्रो र कालोपटी तेस्रो...

मध्य असारमा कोशी प्रदेशमा १३.७१ प्रतिशत रोपाइ

विराटनगर । कोशी प्रदेशको कुल धानखेती हुने क्षेत्रमध्ये १३.७१ प्रतिशत क्षेत्रफलमा मात्रै रोपाइँ सकिएको छ । गत वर्ष यस अवधिमा १६ दशमलव ९६ प्रतिशत धान रोपाइँ भएको थियो । यस वर्ष भने गतवर्षको तुलनामा कम...

मेरिल्याण्ड कलेजद्धारा कक्षा १२ का विद्यार्थीलाई विदाई

विराटनगर । विराटनगर – ७ मा रहेको मेरिल्याण्ड कलेजले कक्षा १२ मा अध्यनरत २० औ ब्याजको विद्यार्थीहरुलाई विदाई गरेको छ । शुक्रबार एक कार्यक्रम आयोजना गरी कलेजले विदाई गरेका हो । कलेजमा व्यवस्थापक संकायमा अध्ययनरत...

नवीकरणीय ऊर्जा भविष्यको लागि विराटनगरमा साइकल यात्रा

विराटनगर । नवीकरणीय ऊर्जा भविष्यको लागि विराटनगरमा साइकल यात्राको आयोजना गरिएको छ । विगत २०७९ देखि सुरु भएको “ मानिस र ग्रहका लागि पेडल“ नामक अभियान श्रृंखलारूपमा, जेठ ५ र ६ को सप्ताहन्तमा विभिन्न एसियाली...

कांग्रेसको कार्यसम्पादन समितीको बैठक, मुख्यमन्त्रीमा दाबी पेश गरेका केदार कार्कीलाई फिर्ता लिन आग्रह

विराटनगर । नेपाली कांग्रेस कोशी प्रदेश कार्यसम्पादन समितिले केदार कार्की र केदार कार्कीलाई प्रदेश मुख्यमन्त्रीमा समर्थन गर्ने अन्य ७ सांसदलाई हस्ताक्षर फिर्ता लिन आग्रह गरेको छ । आज बसेको कार्यसम्पादन समितिको बैठकले केन्द्रले थप केही...

महिला क्रिकेटमा इलाम र मोरङ फाइनलमा

विराटनगर । तेस्रो संस्करणको इक्युवालिटि कप महिला क्रिकेट प्रतियोगितामा लगातार दुई खेलमा जित निकाल्दै इलाम र मोरङ फाइनलमा प्रवेश गरेको छ । विराटनगर–६ मा रहेको ज्वाला क्रिकेट मैदानमा बुधबार भएको पहिलो खेलमा इलामले सिरहालाई ४...

संचालक तथा सम्पादक:

अविनाशकुमार निधि

सम्पादक:

पुनम कुमारी कर्ण

सल्लाकार / सम्पादक:

ध्रुव घिमिरे

हामीलाई पछ्याउनुहोस्