विराटनगर । तीन जना दाजुभाइ मिलेर मोरङको धनपालथान गाउँपालिका – ६ कदमाहास्थित नाइस बिरयानी एण्ड फेमेलि होटल संचालनमा ल्याएका छन् । करिब ६ लाख बढीको लगानीमा उक्त होटल शुक्रबारदेखि संचालनमा ल्याएका हुन् ।

होटलको उद्घाटन धनपालथान गाउँपालिका अध्यक्ष जिवस प्रसाद गच्छदार गरे । सो होटलको संचालकहरुमा ईमतियाज आलम, मताज आलम र इमरान आलाम रहेका छन् ।

उनीहरु दाजु भाइ हुन् । लामो समय कतार बसेपछि उनीहरुले स्वदेशमै केही गर्ने उद्देश्यले बिरयानिसहितको होटल संचालनमा ल्याएका हुन् । उनीहरुको नाइस बिरयानि होटल विराटनगर ६ सरौचियामा पनि रहेको छ । कदमाहामा खोलिएको यो होटल विराटनगरको शाखा हो ।

विराटनगर – रंगेली हुलाकी सडक खण्ड अन्र्तगत कदमाहामा खोलिएको यो होटल अहिलेसम्मको ठूलो हो । करिब पाँच कठ्ठा क्षेत्रमा फैलिएको होटलमा थरी थरीका बिरयानी पाइने संचालक ईमतियाज आलमले जानकारी दिए । यहाँको होटलमा स्पेशल ६ खालका बिरयानी अहिले पाइन्छ । ‘अर्डर अनुसार जुनसुकै प्रकारको पनि बिरयानी हामी ग्राहकहरुलाई दिनेछौं,’ उनले भने । अहिले चिकेन, मटन, फिस, भेज, अन्डा र पनिर बिरयानी पाइने उनले बताए । ‘बिरयानी बनाउने स्पेशल सेफ रहेको छ । यहाँका सेफले थरी थरीका परिकारहरु बनाएर दिनेछन्,’ उनले भने । हालै संचालनमा आएका होटलमा १५ जनाले रोजगारी पाएका छन् ।