जनकपुर, ११ वैशाख-मधेस केन्द्रित राजपा र समाजवादी पार्टीबीच एकता भएपछि प्रदेश २ का विभिन्न स्थानमा दीपावली गरिएकाे छ । लकडाउनका बाबजुद जनता-समाजवादी पार्टीका नेता तथा कार्यकर्ताले दीपावली मनाएका हुन् । सप्तरीको राजविराजस्थित गजेन्द्र चोक र जनआन्दोलन चोकमा मैनबत्ती लिएर नवगठित पार्टीका कार्यकर्ताहरू निस्केका थिए ।

खुसियाली र दीपावली एकैसाथ मनाएकाे उनीहरूले बताए । लकडाउनका बाबजुद दीपावलीमा राजपा र समाजवादीका केन्द्रीय, प्रदेश र जिल्ला तहका नेता सहभागी थिए ।

पार्टी एकताले मधेसी जनताको अधिकार सुनिश्चित हुने भन्दै खुसियाली मनाइएकाे दीपावलीमा सहभागी एक नेताले बताए । दीपावलीमा राजविराजका मेयर शम्भु यादव तथा तिलाठी गाउँपालिकाका अध्यक्षसहित जनप्रतिनिधि पनि सहभागी थिए ।कार्यकर्ताले खुसी भएर दीपावली गरेको तर सामाजिक दूरी कायम राखिएको राजविराज नगरपालिकाका मेयर शम्भु यादवले बताए । ’फोटो खिच्ने बेलामा चाहिँ दूरी कायम भएन । नत्र दूरी कायम गरेरै खुसियाली मनाइएको हो,’ उनले भने ।