विराटनगर । विराटनगर – ११ मा रहेको सुम्निमा बोर्डिङ स्कुलमा अध्ययरत २५ जना विद्यार्थी दिक्षित भएका छन् ।
स्कुलले शनिबार एक भव्य कार्यक्रम आयोजना गरी प्रि–प्राइमरी तह उत्तीर्ण गरी प्राइमरी तहमा प्रवेश गरेका विद्यार्थीहरुलाई दिक्षित गरेको हो ।
दिक्षित भएका विद्यार्थीहरूलाई प्रमाणपत्र पनि विद्यालयले वितरण गरेको थियो ।
सोही अवसरमा विद्यार्थीहरूले साँस्कृतिक नृत्य र फेशन शो देखाएर सहभागि भएका अभिभावक, अतिथि र सहभागिहरुलाई भरपुर मनोरञ्जन प्रदान गरे । कार्यक्रमको प्रमुख अतिथि विराटनगर ११ का वडाअध्यक्ष तिथेन्द्र न्यौपाने रहेका थिए । कार्यक्रममा बोल्दै वडाअध्यक्ष न्यौपानेले गुणस्तरीय शिक्षासँगै सिपयुक्त शिक्षा प्रदान गरेर अगाडी बढनुपर्नेमा जोड दिए ।
कार्यक्रममा विद्यालयकी प्रिन्सिपल शितला सुब्बाले विद्यार्थीहरुलाई गुणस्तरीय शिक्षासँगै अतिरिक्त क्रियाकलापमा पनि विशेष जोड दिएर अगाडी बढेको बताइन् । उनले विद्यार्थीहरूको प्रतिभा उजागर गर्नको लागि विद्यालयले विभिन्न कार्यक्रमहरु गर्दै आएको बताइन् ।

कार्यक्रममा प्रेस यूनियन कोशी प्रदेशका अध्यक्ष मिनकुमार नवदित, नेपाल पुस्तक तथा स्टेशनरी व्यवसायी महासंघ कोशी प्रदेशका वरिष्ठ उपाध्यक्ष माधव अधिकारी, अभिभावक संघ मोरङका अध्यक्ष खगेन्द्र भट्टराई, विद्यालयका निर्देशक जयन्ती प्रधानलगायतको उपस्थिती रहेको थियो ।