मुलुक कोरोनाका कारण संकटमा परेको बेला अति विपन्न परिवार, सडकमा रहेका जनावर पशुपक्षीहरूलाई राहत सामग्री वितरण गरिएको छ । श्रीकृष्ण प्रणामी सेवा समिति नेपाल, श्रीकृष्ण प्रणामी युवा परिषद नेपाल र श्रीकृष्ण प्रणामी वाइजुराज महिला समितिले राहत सामग्री वितरण गरेको हो ।

साथै, स्थानीय सरकारको राहत कोषमा आफ्ना देशभर रहेका सबै इकाइमार्फत आर्थिक रकम जम्मा गर्ने र सम्बन्धित वडा समितमार्फत जिन्सी सहयोग वितरण गर्ने कार्य पनि जारी रहेको परिषदले जनाएको छ ।

राहत र सहयोगलाई व्यवस्थित गर्न सेवा समितिका अध्यक्ष श्याम केसीको संयोजकत्वमा भोलानाथ दाहाल, नमराज ढकाल, शारदा शर्मा, मात्रिका प्याकुरेल र सुनिता भट्टराईसमेतको केन्द्रीय समन्वय समिति गठन गरिएको छ । यसैगरी, जिल्लाहरूमा समेत तीनैवटा संस्थाको सहयोग समिति गठन गरिएको छ र सुरक्षितका साथ सहयोग वितरण भइरहेको छ ।

अहिलेसम्म श्रीकृष्ण प्रणामी प्रतिष्ठान नेपाल, इटहरीबाट १ लाख, श्रीकृष्ण प्रणामी धर्मधाम, चितवनबाट ५१ हजार, श्रीकृष्ण प्रणामी नवतनधाम, काठमाडौंबाट १ लाख ३ हजार, स्थानीय पालिकाहरूको राहत कोषमा दिने निर्णय भएको छ भने श्रीकृष्ण प्रणामी सदगुरु सदन झापाबाट दुईवटा नगरपालिकामा ५१/५१ हजार रुपैयाँ प्रदान गनेृ निर्णय भएको छ ।

विराटनगर मन्दिरबाट २ वडालाई २५/२५ हजार र झापा चारपाने मन्दिरबाट नगरपालिकालाई ५१ हजार रुपैया सहयोग गरिएको छ । यसका साथै विराटनगर, मकवानपुरलगायत धेरै समितिबाट स्थानीय राहत कोषमा सहयोग उपलब्ध गराउने क्रम जारी रहेको सेवा समितिका उपमहासचिव भोला दाहालले जानकारी दिए ।