विराटनगर । प्रथम कोशी प्रदेश दिवा रात्रीकालीन टी–१० क्रिकेट प्रतियोगितामा वाइआरसीसी विराट ब्लास्टर्सले तीन खेलमा लगातार २ जित हात पारेको छ ।

विराटनगर – ६ स्थित एमबिजे क्रिकेट मैदानमा बुधबार भएको दोस्रो खेलमा एलिट क्रिकेट क्बललाई १३० रनले हराउँदै वाइआरसीसीले लगातार दुई जित हात पारेको हो । जितसँगै वाइआरसीसीले ४ अंक जोडेको छ ।
वाइआरसीसीले निर्धारित १० ओभरमा ४ विकेट गुमाउँदै १८० रन बनाएको हो । जितमा लोकेस बम र देव खनालले आक्रमक ब्याटिङ गरे । उनले २० बलमा अर्धसतक पूरा गर्दै ५६ रनको योगदान दिए । उनले ६ छक्का र ४ चौका प्रहार गरे । देब खनालले १९ बलमा अर्धसतक पूरा गर्दै ५२ रन बनाए । देवले ७ छक्का र १ चौका हिर्काए । विवेक यादवले अविजित ५ बलमा २० रन र राशिद खानले ५ बलमा अविजित १८ रनको योगदान दिए ।
एलिटका मोहितले २ विकेट र सलन कामतले १ विकेट लिए ।
वाइआरसीसीले दिएको १८१ रनको लक्ष्य पछ्याएको एलिटले ९.२ ओभरमा सबै विकेट गुमाई ५० रनमा सिमित भयो । वाइआरसीसीका बलर तारिक जमिलले गरेको घातक बलिङ सामु एलिटका कुनै पनि ब्याटरले दोहोरो अंक जोडन सकेनन् । अभिषेक पलले ८ बलमा ९ रन, दिपक बोहोराले ४ रन बनाए ।
वाइआरसीसीका घातक बलिङ गर्ने तारिक जमिलले २ ओभरमा १० रन खर्चेर ५ विकेट लिए । उनी खेलको प्लेर अफ द म्याच घोषित भए । त्यसैगरी बिपिन खत्री र इमरन नजिरले समान २–२ विकेट लिए ।
बाँसको खम्बामा अस्थायी फलड्लाईटको माध्यमबाट सुरु भएको दिवा रात्रीकालीन प्रतियोगिता लिकको आधरमा भइरहेको छ ।