विराटनगर । विराटनगरस्थित किड्स भिलेज स्कुलमा निःशुल्क स्वास्थ्य शिविर आयोजना गरिएको छ । बुद्ध जयन्तीको अवसर पारेर बिहीबार स्कुल परिसरमा विद्यार्थीहरुको लागि निःशुल्क स्वास्थ्य शिविर आयोजना गरिएको हो ।
उक्त शिविरमा विराट नर्सिङ होमको प्राविधिक सहयोगमा भएको थियो । शिविरमा वरिष्ठ बाल तथा आँखा रोग विशेषज्ञहरूको उपस्थिति रहेको थियो ।
शिविरमा २३५ जना विद्यार्थीहरुले स्वास्थ्य जाँच गराएको स्कुलका म्यानेजिङ डाइरेक्टर पंकज जैनले बताए । पछिल्लो समयमा बढेको गर्मीका कारण धेरै बालवालिकाहरुमा स्वास्थ्य समस्या देखिएकोले शिविर गरिएको उनले बताए ।