विराटनगर । गिरी फाउन्डेसन विराटनगरले मोरङको कटहरी गाउँपालिका ४ स्थित श्री आधरभूत विद्यालयलाई शैक्षिक सामाग्री वितरण गरेको छ । फाउन्डेसनका अध्यक्ष अविशेक गिरीले विद्यालयलाई आवश्यक पर्ने शैक्षिक सामाग्री बुधबार वितरण गरेका हुन् ।
सामुदायिक विद्यालयको शैक्षिक गुणस्तर सुधार गर्ने उद्देश्यले सामुदायिक विद्यालयलाई आवश्यक पर्ने शैक्षिक सामाग्री वितरण गरिएको फाउन्डेसनका अध्यक्ष गिरीले बताए । शिक्षा, स्वास्थ्य र रोजगार भन्ने मुल नाराका साथ सामुदायिक विद्यालय सुधार अभियान अन्र्तगत रहेर शैशिक्षक सामाग्री हस्तान्तर गरेको उनले बताए । उक्त विद्यालयलाई वाइट बोर्ड, खेलकुदको सामाग्री, विद्यार्थीहरुको लागि स्टेशनरीको सामाग्री वितरण गरिएको अध्यक्ष गिरीले बताए ।
पछिल्लो समय फाउन्डेसनका अध्यक्ष गिरी सामाजिक क्षेत्रमा सक्रिय रुपमा लागि परेका छन् । उनले यसअघि पनि आर्थिक अवस्था नागरक भएका परिवारको निःशुल्क उपचारदेखि खाद्यान्य र लत्ताकपडा पनि सहयोग गर्दै आएका छन् ।