विराटनगर । नेपाल एसोसिएसन अफ टुर एण्ड ट्राभल एजेन्ट्स (नाट्टा) कोशी प्रदेशका अध्यक्षमा पुण्य प्रसाद भट्टराईले पर्यटकीय क्षेत्रको प्रर्वद्धनमा सबैको साथसहयोगको खाँचो रहेको बताएका छन् । झापाको दमकमा सुरु भएको दशौं दमक फुट फेस्टिबलको उद्घाटन शत्रमा बोल्दै अध्यक्ष भट्टराईले यस्तो बताएका हुन् ।

कार्यक्रममा बोल्दै नाट्टाका अध्यक्ष भट्टराईले पोखरमा महानगरपालिकाले पर्यटन क्षेत्रमा मात्रै ५१ करोड रुपैयाँ बजेट बिनायोजना गरेको जानकारी गराउँदै यहाँका स्थानीय सरकारहरुले पनि पर्यटन क्षेत्रको विकासमा बजेट बिनायोजन गरिनुपर्नेमा जोड दिए ।

पर्यटन क्षेत्रको प्रर्वद्धनमा यहाँको स्थानीय सरकार पनि लाग्नुपर्ने उनले बताए । ‘खर्चको कारणले कतिपयले फुट फेस्टिबलहरु स्टल राख्न नसकेको पनि हुन्छ । सबै सामुदायहरुको पहिचान झल्कनको लागि पनि यस्तो कार्यक्रममा स्थानीय सरकारले ध्यान दिनुपर्छ,’ अध्यक्ष भट्टराईले भने, ‘अनि मात्रै धर्मसंस्कृतिको पनि जगेर्ना भएर संरक्षण हुन्छ ।’
शनिबारदेखि सुरु भएको दशौं दमक फुट फेस्टिबल १२ दिनसम्म संचालन हुनेछ ।