विराटनगर । थारु कल्याणकारिणी सभाको केन्द्रीय कमिटिको नीति निर्देशन बेगार एकपक्षीय तरिकाले गरेको निर्वाचनमाबाट निर्वाचित भएको कार्यसमितिले मान्यता नपाउने बताएका छन् ।

केन्द्रीय कार्यालयको पत्रको अवज्ञा गर्दै निलम्बित निर्वाचन अधिकृतले गरेको निर्वाचनबाट निर्वाचित भएका प्रदिप कुमार विश्वास नेतृत्वको समितिले गरेको काम कारवाहीले कुनै पनि मान्यता नपाउने थारु कल्याणकारिणी सभा मोरङका सभाति प्रदिप कुमार भगत थारुले बताएका हुन् ।

जिल्ला प्रशासन कार्यालय मोरङमा शान्ति सुरक्षाको माग राख्दै अध्यक्ष थारुले अघोषित अवैधानिक कार्य समितिलाई थाकसको भवनमा कुनै पनि गतिविधी नर्गन र मुठभेटको स्थिती सृजना हुन सक्ने भएकोले आवश्यक सहकार्य गरी शान्ति सुरक्षाको व्यवस्था गरी दिन माग गरेका छन् । १६ चैतमा थाकस मोरङका सभापति प्रदिपक कुमार भगत थारुले प्रशासनलाई पत्र लेख्दै यस्तो माग राखेका हुन् ।
थारु कल्याणकारिणी सभा केन्द्रिय कार्यालयले निर्वाचन अधिकृत जयराम पंजियारलाई एक पक्षीय रुपमा निर्वाचन गर्न लागेपछि कारवाही स्वरुप निलम्बन गरेको थियो । केन्द्रको पत्रलाई वेवास्था गर्दै पन्जियारले विधि र विधान विपरित एकपक्षीय रुपमा १५ चैतमा निर्वाचन गराएको थियो । उक्त एकपक्षिय निर्वाचनबाट प्रदिप कुमार विश्वासलाई अध्यक्षमा निर्वाचित गराएको थियो ।
केन्द्रीय कार्यालयले प्रदिप कुमार भगत थारुको नेतृत्वको जिल्ला कार्य समितिलाई जिम्मेवारी तोकिएकोमा एउटै संस्थामा सामानन्तर रुपमा अर्को कार्य समिति हुन नसक्ने अध्यक्ष थारुले बताए । ‘एकपक्षीय निर्वाचन गराएकोे अघोषित अवैधानिक कार्य समितिलाई थाकसको भवनमा यस्तो खालको कुनै गतिविधि गर्न अधिकार छैन,’ सभापति थारुले भने, ‘बल प्रयोग गरे मुठभेटको स्थिती सृजना हुन सक्ने भएकोले आवश्यक सहकार्य गरी शान्ति सुरक्षाको व्यवस्था गरी दिनु हुन हामीले प्रशासनमा पत्र पठाएको हो ।’