विराटनगर । विराटनगरस्थित न्यूरो हस्पिटलले ‘वर्ल्ड पर्पल डे’ मनाउने भएको छ । चैत १३ गते पर्ने ‘वर्ल्ड पर्पल डे’ विभिन्न कार्यक्रम आयोजना गरी मनाउने शुक्रबार पत्रकार सम्मेलन गरी जानकारी गराएको हो ।

‘वर्ल्ड पर्पल डे’ मा सचेतना मुलक सँगै हस्पिटलले प्रदान गर्ने उपचारमा पनि छुटसहितको सौलियत दिने भएको छ । ‘वल्र्ड पर्पल डे’ को अवसरमा पारेर शुक्रबार छारेरोग सम्बन्धी निवन्ध प्रतियोगिता आयोजना गरेको छ ।
यसैगरी चैत १३ गते सचेतना मुलक प्रभातफेरी आयोजना गरिने भएको हस्पिटलको आउटटिच विभागका भारत श्रेष्ठले जानकारी दिए । चैत १३ गते विहान साढे ७ बजे न्यूरो हस्पिटलबाट सुरू हुने प्रभातफेरी नगरको विभिन्न भाग परिक्रमा गरी लर्डबुद्ध कलेजमा आएर सम्पन्न हुने छ ।

यसैगरी चैत ११ गतेदेखि १६ गतेसम्म ओपीडि सेवा पनि निःशुल्क न्यूरो हस्पिटलले राखेको छ । ओपीडिमा चिकित्सकले जाँच गरेपछि ल्याब परीक्षणमा पनि छुट दिएको हस्पिटलले जनाएको छ । ‘वल्र्ड पर्पल डे’ मनाउनको लागि न्यूरोले एनसेलसँग सहकार्य गरेको छ ।
प्रत्येक एक सय जनामा एक जनामा छारे रोग लाग्ने गरेको विभिन्न तथ्याकहरुले देखाएको छ । हस्पिटल स्थापना भएपछि न्यूरोमा हालसम्म २५ हजार भन्दा बढी छारेरोगका विरामीको सफल उपचार गरेको छ जनाएको छ । अहिले पनि करिब ३ हजार विरामी नियमित उपचारको क्रममा रहेका छन् । न्यूरोमा छारे रोगको उपचारको लागि भरपर्दो रहेको हस्पिटलका वरिष्ठ न्यूरोलोजिष्ट डा विरेन्द्र कुमार विष्टले बताए । अस्पतालमा छारे रोगको उपचार प्रक्रियाको लागि चाहिने सम्पूर्ण उपकरण तथा दक्ष टिम रहेको उनले बताए । नियमित उपचार र औषधी सेवनले छारे रोग निको हुने पनि उनले बताए ।