बैंकिङ कसुरको आरोपमा मदिरा व्यवसायी अमित अग्रवाल पक्राउ - News Birat

बैंकिङ कसुरको आरोपमा मदिरा व्यवसायी अमित अग्रवाल पक्राउ

न्यूज विराट

काठमाडौं, ९ फागुन । बैंकिङ कसुरको आरोपमा ग्रीनलाइनका सञ्चालक अमित अग्रवाल पक्राउ परेका छन् ।

काठमाडौंको कान्तिपथ र दरबारमार्गमा मदिरा बिक्री गर्ने रिटेल शप ग्रीनलाइनका सञ्चालन अग्रवाललाई प्रहरीले पक्राउ गरेको हो ।

चेक बाउन्स भएपछि व्यवसायी टंक शमशेर जबरा र सञ्जय अधिकारीले दिएको उजुरीका आधारमा अग्रवाललाई पक्राउ गरिएको महानगरीय प्रहरी परिसर काठमाडौंले जनाएको छ । अग्रवालले व्यवसायी जबरालाई डेढ करोड र अधिकारीलाई ५० लाख रुपैयाँको चेक दिएका थिए । चेक बाउन्स भएपछि उनीहरूले अग्रवालविरुद्ध प्रहरीमा उजुरी दिएका थिए ।

तीन दिनअघि पक्राउ परेका अग्रवाललाई थुनामा राखेर अनुसन्धान भइरहेको प्रहरीले जनाएको छ ।  बैंकको ऋण तिर्न नसकेपछि इन्भेष्टमेन्ट र एभरेष्ट बैंकले अग्रवालको पसलमा सिल गरेका थिए ।

बैंकले पसल सिल गरेपछि अग्रवाल परिवारसहित २२ पुसमा फरार भएका थिए । फरार भएको समाचार बाहिर आएपछि अग्रवाल २७ माघमा काठमाडौं फर्किएका थिए ।

मा प्रकाशित

यसमा तपाईको मत:

© Copyright 2017 - 2022 Newsbirat pvt ltd. All Rights Reserved.

Design / Developed by codebundles