विराटनगर । मोरङको रतुवामाइ नगरपालिका – ५ मा राम चन्द्र सोरेन अर्जुन स्मृति प्रतिष्ठानको भवन निमार्णको काम सुरु भएको छ । चालु आर्थिक वर्षमा काम सकिने गरी उक्त भवनको शिलन्यास बिहीबार भएको हो ।

सो भवनको शिलन्यास कोशी प्रदेशका पर्यटन, वन तथा वतवरण मन्त्री गणेश उप्रेती सुशिलले गरे । कार्यक्रममा बोल्दै मन्त्री उप्रेतीले सहिदको नाममा निमार्ण भएको प्रतिष्ठानले सामाजिक क्षेत्रमा काम गर्ने बताए ।
३६ लाख ६ हजार १सय ९३ रुपैयाँ लागतमा निमार्ण भइरहेको अर्जुन स्मृति प्रतिष्ठानले शिक्षा, स्वास्थय, रोजगार र गरिवी निवारणको क्षेत्रमा काम गर्ने प्रतिष्ठानका अध्यक्ष सुब्बा सारेनले बताए । तीन तलाको बन्ने भवन निमार्ण तत्कालको लागि एक तलाको बन्नेछ । विस्तारै थप गर्दै लैजाने बताइएको छ ।
मन्त्री उप्रेतीको पहलमा उनको निर्वाचन क्षेत्र मोरङ क्षेत्र नम्बर २(१) मा ८४ वटा योजनाहरू रहेको छ । विनायोजन भएको योजनाहरू अहिले धमाधम शिलन्यास भएर निमार्णको कामहरू भइरहेको छ । कोशी प्रदेश सरकारबाट मात्रै ८४ वटा योजनाहरु रहेको छ । संघिय मन्त्रालयहरुबाट मात्रै मन्त्री उप्रेतीको पहलमा उनको निर्वाचन क्षेत्रमा आर्थिक वर्ष २०८०÷०८१ मा ७ करोड ३८ लाख बढीको योजनाहरू ल्याएर अहिले कार्यन्वयन भइरहेको छ ।