राष्ट्रिय सहकारी दिवस मनाउन विभिन्न नौ उपसमिति गठन
६७औं राष्ट्रिय सहकारी दिवस मोरङमा पनि भव्य रुपमा मनाउन विभिन्न नौ उपसमिति गठन गरिएको छ । चैत २० गते पर्ने राष्ट्रिय सहकारी दिवस विराटनगरमा मनाउने तय गरी सोका लागि गत फागुनमा नै जिल्ला सहकारी संघ...
सप्तरी, २९ चैत-लकडाउनका कारण पाकेको गहुँबाली काट्न किसानलाई समस्या भइरहँदा सप्तरीको तिलाठी कोइलाडी गाउँपालिकाले सबैको गहुँबाली काट्ने जिम्मा लिएको छ ।
झण्डै १ हजार विघामा किसानद्वारा लगाइएको गहुँबाली पाक्न थालेपछि कृषि मजदुरको अभावमा समस्यामा परेका किसानलाई गाउँपालिकाले सहयोग गरेको हो ।
२ वटा ट्रयाक्टरमा गहुँ कटर मेसिन जडान गरेर बिहीबारदेखि थालिएको गहुँ काट्ने कार्यलाई तिब्रता दिन शुक्रबार २ वटा मेसिनसमेत थपिएको छ । वडा नं. ७ बाट सुरु गरिएको गहुँ काट्ने कार्य गाउँपालिकाका ८ वटै वडामा पुर्याउने गाउँपालिकाका अध्यक्ष सतिशकुमार सिंहले बताए ।
यो पटक गाउँपालिकाका सबै वडामा गरी करिब १ हजार विघा जमीनमा गहुँ खेती गरिएको छ । कृषि मजदुरको अभावमा पाकेर खेतमै रहेका गहुँबाली काट्न नसकेर चिन्तामा डुबेका किसानलाई राहत प्रदान गर्न यस्तो व्यवस्थापन गरिएको अध्यक्ष सिंहको भनाई छ ।
किसानले मिहिनेत गरेर फलाएको अन्नबाली नष्ट हुन नदिन र कृषि व्यवसायीको मनोबल उच्च राख्न गाउँपालिकाले गहुँ काट्ने कार्यमा इन्धन, गाडीभाडा, मेसिन खर्च र ज्याला गरी २८ लाख रुपैयाँसम्म लगानी गर्ने तयारी गरेको उनले बताए ।
