विराटनगर । गुणस्तरीय शिक्षा प्रदान गरेको कारणले सबैको रोजाइमा परेको विराटनगरस्थित अर्किड स्कुलले वार्षिक उत्सव विभिन्न कार्यक्रम आयोजना गरी मनाएको छ । शनिबार स्कुल परीसरमा दिनभरी विभिन्न कार्यक्रम आयोजना गरी वार्षिक उत्सव मनाएको हो ।

स्कुलमा अध्ययनरत विद्यार्थीहरूले साँस्कृतिक नृत्य, गायन, नाटक र फेशन शो प्रस्तुत गरी सहभागि भएका अभिभावक र अतिथिहरुलाई दिनभरी रमाइलो प्रदान गरे । कार्यक्रममा बोल्दै प्याब्सन मोरङका अध्यक्ष प्रेमलालसिंह सुवालले निजी विद्यालयहरूले राष्ट्रिय निमार्णमा ठूलो योगदान पुर्याएको बताए । गुणस्तरीय शिक्षा र रोजगारमुखी शिक्षा प्रदान गरेर निजी विद्यालयहरुले दक्ष जनशक्ति उत्पादन गरेको उनले बताए । कार्यक्रममा बोल्दै अर्किड कलेजका प्रिन्सिपल दिपेश बास्तोलाले अभिभावकको सहयोग शिक्षक र विद्यार्थीहरुको मेहनतको कारणले स्कुलले सफलता प्राप्त गरेको बताए । गुणस्तरीय शिक्षा प्रदान गरेको कारणले विद्यार्थीहरुले सधै सर्वोउत्कृष्ट नतिजा ल्याउन सफल भएको उनको भनाई छ ।

कार्यक्रममा बोल्दै अर्किड स्कुलका प्रिन्सिपल सीएम श्रेष्ठले विद्यार्थीहरूलाई गुणस्तरीय शिक्षासँगै प्रविधियुक्त, सिपमुलक र नैतिक शिक्षा प्रदान गरेर अगाडी बढेको बताए । गुणस्तरीय शिक्षा प्रदानमा कुनैपनि कसुर बाँकी नराखी स्कुल अगाडी बढेको उनले बताए ।
कार्यक्रममा विराटनगर महानगरपालिका १० का वडाअध्यक्ष अर्जुन गिरी, विभिन्न विद्यालयका प्रिन्सिपल, शिक्षकहरूको उपस्थिती रहेको थियो ।