विराटनगर । विधान विपरीत घोषणा गरिएको थारु कल्याणकारिणी सभा मोरङको निर्वाचन तत्कालको लागि रोकिएको छ ।
थारु कल्याणकारिणी सभाको शुक्रबार राती बसेको आकस्मिक बैठकले मोरङको निर्वाचन अर्को सूचना जारी नभएसम्मको लागि स्थगित गरेको हो ।
जयराम पंजियार संयोजक रहेको निर्वाचन अधिकृतले एक पक्षीय रुपमा थारु कल्याणकारीणी सभा मोरङको निर्वाचन फागुन १९ गतेलाई तोकेको थियो । थारु कल्याणकारिणी सभा मोरङले शुक्रबार विज्ञाप्ती जारी गर्दै विधान विपरीत आफुखुसी एक पक्षीय रुपमा घोषणा गरिएको निर्वाचन रोक्न केन्द्रीय कार्यालयसँग माग गरेको थियो । उक्त मागको सुनवाइ गर्दै थारु कल्याणकारिणी सभाले निर्वाचनको सम्पूर्ण प्रक्रिया स्थगीत गराउन निर्वाचन अधिकृतलाई पत्र पठाएको छ ।
एकपक्षीय ढंगले जिल्ला कार्यसमिति, सदस्यहरु, उम्मेदवारहरुलाई पनि कुनै जानकारी बेगार निर्वाचनको गरिएको सूचना विधान विपरीत भएकोले केन्द्रले तत्काल निर्वाचन स्थगीत गरेको थारु कल्याणकारीणी सभा मोरङका कार्यवहाक सभापति प्रदिपकुमार भगत थारुले बताए ।