विराटनगर । मोरङ प्रहरी प्रमुख एसपी नवराज कार्कीले तत्काललाई सादा पोषाकमा परिचालन हुने घुमुवा प्रहरी नराख्ने बताएका छन् ।

एक हप्ता अगाडी मोरङ प्रहरी प्रमुख भएर कार्यभाव समालेपछि सोमबार संचारकर्मीहरूसँग परिचयत्मक कार्यक्रममा बोल्दै उनले तत्काललाई सादा पोषाकका प्रहरी नराख्ने बताएका हुन् ।

सूचना संकलनका लागि भनेर यसअघिका एसपी दीपक पोखरेलले परिचालन गरेको पाँच जना सादा पोशकका प्रहरीलाई फिर्ता बोलाएर उनीहरुको दरबन्दी रहेको जिल्लामा कार्कीले सरुवा गरिदिएका छन् ।
७ फागुनमा मोरङ प्रहरी प्रमुख भएर कार्कीले कार्यभाग समालेलगतै एसपी दिपक पोखरेलले राखेका सादा पोशकका वरिष्ठ नायव निरीक्षक राजेन्द्र कटुवाल, सहयाक प्रहरी हवल्दार सुर्दशन कालाखेती, प्रहरी जवानहरु चुडामणि सुयल, अमृत श्रेष्ठ र काचुम भोटेको सरुवा गरेका छन् । उनीहरू काजमा मोरङमा बसेका थिए । सादा पोशाकमा खटिएका प्रहरीलाई फिर्ता बोलाएर दरबन्दी भएको ठाउँमा एसपी कार्कीले पठाएका छन् । वरिष्ठ नायव निरीक्षक कटुवालको उच्च अदालत विराटनगरमा, सहायक प्रहरी हल्दार कालाखेतीको जिल्ला प्रहरी कार्यालय खोटाङ, प्रहरी जवानहरु अमृतको तह्रथुम, भोटेको ओखलढुङ जिल्ला प्रहरी कार्यालयमा सरुवा भएको हो । सरुवा भएका प्रहरीहरुले मंगलबार रमना बुझेर दरबन्दी भएको ठाउँमा डियूटिमा खटिएका छन् । यसअघि सादा पोशकमा रहेका प्रहरी सहायक हल्लदार गणेश श्रेष्ठ प्रहरी चौकी बखरीमा छन् ।

एसपी कार्कीले तत्काल सादा पोशकको प्रहरी नराख्ने प्रतिवद्धता जनाएपनि आवश्यकता परेको खण्डमा परिचालन भने हुने बताए । ‘कुनै घटना घट्यो भने त्यसको अनुसन्धान र अपराधमा संलग्न व्यक्तिलाई पक्राउ गरिन त्यसैबेला तत्काल प्रहरी परिचालन हुनेछ,’ उनले भने, ‘त्यस बाहेक असुली धन्दामा सादा पोशकको प्रहरी राखेर संगठन बदनाम गराउने पक्षमा छुइन् ।’
एसपी कार्कीले चाँडै कार्ययोजना बनाएर शान्ति सुरक्षा व्यवस्थापन, अपराध रोकथाम र नियन्त्रणमा काम गर्ने बताए । ‘चाँडै कार्ययोजना तयार हुनेछ । त्यसपछि योजना अनुसार काम हुनेछन् । लागूऔषध नियन्त्रण, चोरी, तस्करी, अवैध भन्सार छली रोक्न प्रहरी लागि पर्नेछु,’ उनले भने, ‘त्यसमा सबैको साथ सहयोगको खाँचो रहेको छ ।’ आफु आएलगतै एक हप्तामा दुई लाख भन्दा बढी भन्सार छली गरेको सामान बरामद गरेको उनले जानकारी दिए । जिल्ला प्रहरी र मातहतको इलकाबाट सेवाग्राहीलाई सेवा प्रभाह चुस्त र दुरुस्त बनाएर लैजाने उनले बताए । ‘सेवाग्राहीको रेस्पोन्च चाँडो भन्दा चाडो गर्नेछु,’ उनले भने ।