विराटनगर । तेली कल्याण समाज मोरङले आर्थिक अवस्था नाजुक भएका परिवारको छोरा–छोरीको निःशुल्क विवाह गरिदिने भएको छ । आर्थिक अवस्था नाजुक भएर विवाह गर्न नसक्ने परिवारका छोरा छोरीहरूको निःशुल्क विवाह गरिदिने व्यवस्था गरेको हो ।
समाजका आजिवन सदस्य विजय कुमार साह र उनका श्रीमती नमिता साहले विवाहको खर्च व्यवस्थापन गरिदिने भएका छन् । समुदायका केही जोडिहरुको विवाह निःशुल्क रुपमा समाजले गरिदिने निर्णय गरेको तेली समुदायका तथा कल्याण्ड समाजका अध्यक्ष डा. बालकृष्ण साहले बताए ।

‘यसका लागि अभिभावकहरु (बिशेषतः बधुपक्षले) समाजलाई विवाहको खर्च जुटाउन नसक्ने भनेर आग्रह गरे पछि समाजले परम्परा अनुसाह यज्ञ गरेर विवाह गराईदिने भएको हो,’ अध्यक्ष साहले भने । विवाहको जन्तभोज,यज्ञ सामग्री, ब्राह्मण–ठाकुरलाई दान, कन्यादानको पहिरन (वर–वधुको लुगा), अन्य सामग्री र आभुषण समेतको व्यवस्थापन समाजले नै जुटाइदिने गरी विवाह गराउने भएको हो ।

‘यस विवाहका लागि वर–वधु तय गर्ने उनीहरुका अभिभावकले नै गर्नेछन् र कानुनले तोकेको उमेर लगायतका मापदण्ड पूरा भएको हुनुपर्छ । विवाह पश्चयाच समाजको कुनै हस्तक्षेप वा सरोकार, जिम्मेवारी रहने छैन । कुनै किसिमको दहेज, दाइजो लिन–दिन नपाउने तर विवाह पश्चयात नवदम्पतीलाई आशिर्वाद संगै स्वेच्छाले केही उपहार दिन पाउने छन्,’ अध्यक्ष साहले भने, ‘ विवाहमा कन्यादान गर्ने अवसर प्रायोजकले प्राप्त गर्ने छन् । एक जोडिको विवाह पनि गर्ने भए पनि सामुहिक विवाहलाई प्राथमिकता राख्ने हामीले तयारी गरिएको छ ।’
विवाहको लागि वर–वधु वा उनका अभिभावकले तेली कल्याण समाजका जिल्ला समिति वा कुनै पनि समितिमा सम्पर्क गर्न सक्ने अध्यक्ष साहलेब ताए ।