विराटनगर । अन्तर विद्यालय स्तरीय विज्ञान प्रदर्शनीको प्रथम विराटनगर २ मा रहेको सेन्ट म्यारिज स्कुल भएको छ । विराटनगर महानगरपालिकाले आइतबार आयोजना गरेको उक्त प्रर्दशनीमा विराटनगरका ३४ विद्यालयहरुलाई पछि पार्दै सेन्ट म्यारिज स्कुल प्रथम भएको हो । सेन्ट म्यारिज स्कुल निजी विद्यालय हो ।

द्धितीय पोखियरा मावि भएको छ । पोखरीया सामुदायिक विद्यालय हो । तृतीय अर्किड मावि र सान्तवना जनता नमूना मावि घोषित भएको छ । उनीहरुले ट्रफिसहित क्रमश : १०, ७, ५ र ३ हजार रुपैयाँ पनि जितेका छन् ।

उत्कृष्ट प्रस्तुतीमा गौतम बुद्ध स्कुल, उत्कृष्ट अनुकुलनमा आर्दश मावि, उत्कृष्ट भविष्यत्मक दृष्किोण शिक्षादीप मावि, उत्कृष्ट स्थल सजावट मनीतारा सेकेण्डरी स्कुल, विशेष प्रोत्साहन विराट बहिरा मावि भएको छ ।
उक्त प्रर्दशनीमा विराटनगर महानगरपालिका भित्रका निजी र सामुदायक गरी ३५ वटा विद्यालयको सहभागि रहेको थियो । ९ देखि १२ कक्षा अध्ययनरत विद्यार्थीमध्ये हरेक विद्यालयबाट १ जना छात्रासहित ५ जना विद्यार्थीले सहभागिता जनाए । प्रर्दशनीमा ७ देखि ८ हजारले अवलोकन गरेको महानगरपालिकाले जनाएको छ ।