विराटनगर । दोस्रो प्याब्सन राष्ट्रिय लोकनृत्य प्रतियोगिताको उपाधि गण्डकी प्रदेशको पोखराबाट सरस्वती आदर्श विद्या सदन स्कुलले जितेको छ ।
निजी तथा आवसीय विद्यालय अर्गनाइजेशन नेपाल (प्याब्सन) ले विराटनगरमा शुक्रबार सम्पन्न गरेको फाइनलमा प्याब्सन राष्ट्रिय लोकनृत्य प्रतियोगिताको उपाधि देशभरीको विद्यालयलाई पछि पार्दै सरस्वती आर्दश विद्या सदन स्कुलले जितेको हो ।

प्रतियोगिताको द्धितीय कोशी प्रदेशको मोरङबाट सुविजिमुर मेमोरियल स्कुल, तृतीय बाग्मती प्रदेशको इलेन मेमोरियल स्कुल, सान्तवना कर्णालीबाट सिधा पाईला स्कुल र मधेश प्रदेशको गोल्डेन फ्युचर एकाडेमी भएको छ ।

प्रतियोगिताको निर्णायकहरुमा प्रकाश तुलाधर, शान्ता कठायत र भानु सिटौला रहेका थिए । उक्त प्रतियोगितामा पाँच वटा प्रदेशको विद्यालयहरुको सहभागिता रहेको थियो । प्याब्सन केन्द्रीय अध्यक्ष डिके ढुंगनाको अध्यक्षतामा उक्त कार्यक्रम भएको थियो ।