विराटनगर । विराटनगरस्थित अर्किड स्कुलमा अक्षरारम्भ र चित्रकला प्रर्दशनी आयोजना गरिएको छ । सरस्वती पूजाको अवसर पारेर विद्यालय
परिसरमा बुधबार अक्षरारम्भ र चित्रकला प्रर्दशनी कार्यक्रम आयोजना गरिएको हो ।
कक्षा यूकेजी देखि कक्षा १ सम्म अध्ययनरत विद्यार्थीहरुले बनाएको चित्रकलाहरु प्रर्दशनिमा राखिएको छ । प्रर्दशनीमा राखिएको चित्रकलाको अवलोकन विद्यार्थी, अभिभावक र अतिथिहरुले गरेका थिए ।
सरस्वती पूजाको अवसरमा स्कुलमा ८० जना विद्यार्थीहरुले अक्षरारम्भ गरेको स्कुलका प्रिन्सिपल सिएम श्रेष्ठले जानकारी दिए । आज अक्षरारम्भ गरेका विद्यार्थीहरुको भर्ना विद्यालयले निःशुल्क गर्ने गरेको बताइएको छ ।

यस स्कुलले छोटो समयमानै गुणस्तरीय शिक्षा प्रदान गरि विद्यार्थी र अभिभावकमाझ आफ्नो भिन्न पहिचान बनाउँदै आम अभिभावक र विद्यार्थीको पहिलो रोजाइ बन्न सफल भएको छ । शान्त र भयरहित बावतरणमा निर्धक्ताका साथ पठनपाठन हुने यस स्कुलको भौतिक पूर्वाधार सुविधायुक्त रहेको छ । यस स्कुलमा विद्यार्थीहरूका लागि पर्याप्त मात्रमा फराकिलो खेलमैदान, अत्याधुनिक सुविधासम्पन्न भवन, प्रयोगशाला, विद्यार्थीहरूको लागि उपलब्ध छन् । जहाँ सुरिक्षत तवरले शान्त वाताबरणमा विद्यार्थीले अध्ययन गर्न पाउने गरेको प्रिन्सिपल श्रेष्ठले बताए । विद्यालयले पढाइका अलावा अतिरिक्त क्रियाकलापमा समेत राम्रो सफलता हासिल गर्दै आएको छ ।