विराटनगर । नेशनल प्याब्सन हिज्जे प्रतियोगिताको उपाधि मनोकामना इङ्लिस बोर्डिङ स्कुलले जितेको छ । नेशनल प्याब्सन विराटनगर महानगर कमिटिले विराटनगरमा शनिबार आयोजना गरेको प्रतियोगिताको द्धितीय ग्रिनपीच एकाडेमी र तृतीय अरीहन्त इङ्लिस स्कुल भएको हो ।
विद्यार्थीहरुमा भएको प्रतिभा उजागर गर्ने उद्देश्यले आयोजना गरिएको उक्त प्रतियोगितामा विराटनगर महानगरपालिका भित्रको एन प्याब्सनमा आवद्ध भएका १३ वटा विद्यालयका ३ जनाकोदरले ३९ जना विद्यार्थीहरुले सो प्रतियोगितामा भाग लिएको नेशनल प्याब्सन विराटनगर महानगरका अध्यक्ष मो. सोहिलले जानकारी दिए ।
बिजेता हुने विद्यार्थीहरुलाई शिल्ड, मेडल र प्रमाणपत्र नेशनल प्याब्सन कोशी प्रदेशका अध्यक्ष राजन पौडेल, केन्द्रीय सचिब राजन छाराहाङ्ग, विराटनगर अध्यक्ष मो. सोहिललगायतले बितरण गरेका थिए । बिजेता भएको विद्यालयले अगामी माघ १२ गते हुने जिल्ला स्तरीय हिज्जे प्रतियोगितामा बिराटनगर नेशनल प्याब्सन बाट सहभागी हुने भएको छ ।