विराटनगर । कोशी प्रदेश सभा सचिवालयले सभामुख निर्वाचनको कार्यतालिका सार्वजनिक गरेको छ। आज दिउँसो तीन बजे हुने निर्वाचनका लागि सचिवालयले कार्यतालिका सार्वजनिक गरेको हो।

दिउँसो ११ बजेदेखि १ बजेसम्म मनोनयन दर्ता गर्न सक्नेछन्। मनोनयन प्रदेश सभा सचिवालयमा हुनेछ। मनोनयन दर्ता भएको उम्मेदवारीको नामावलीको सूची प्रकाशन १ बजे, उम्मेदवारको प्रस्ताव उपर दाबी विरोध १ देखि साढे १ बजेसम्म रहेको छ । उम्मेदवारको अन्तिम नामवली प्रकाशन साढे २ बजे गर्ने भएको छ ।

कोशीमा राप्रपालाई सभामुख दिन सत्ता गठबन्धन तयार भएका छन् । सभामुखमा झापाबाट निर्वाचित प्रदेश सभा सदस्य राप्रपाका अमरबहादुर विष्टलाई सभामुखको उम्मेदवार बनाउने दलहरुको तयारी छ ।