विराटनगर । विराटनगरस्थित न्युरो कार्डियो एण्ड मल्टिस्पेशियालिटी हस्पिटलले खुल्ला रक्तादन कार्यक्रम आयोजना गरेको छ । रोटरी क्लब अफ बिराटनगर मिडटाउनसँगको सहकार्यमा रतmदान कार्यक्रम शुक्रबार आयोजना गरेको हो ।

कार्यक्रममा न्युरो अस्पतालका बरिष्ठ बिशेषज्ञ प्याथोलोजिष्ट डा. सागरराज पाण्डेले रक्तदान किन, कसले र कहिले गर्ने भन्ने बिषयमा सहभागी रक्तदाताहरुलाई सचेतना गरेका थिए । त्यसै गरि न्युरो अस्पतालका अध्यक्ष डा. बिरेन्द्र कुमार विष्ट तथा रोटरी क्लब अफ बिराटनगर मिडटाउनका अध्यक्ष शशी शर्माले रक्तदाताहरुलाई उत्प्रेरित गराए ।

नेपाल रेडक्रस सोसाइटी, ब्लड बैंकको प्राविधिक सहयोगमा भएको कार्यक्रममा न्युरो अस्पतालका चिकित्सक, नर्सिगं स्टाफ , अन्य कर्मचारी तथा आम सर्वसाधारणले रक्तदान गरेको उक्त कार्यक्रममा ६० पिन्ट रगत संकलन भएको थियो । न्युरो अस्पतालमा प्रत्येक दिन दर्जनौ जटिल शल्यक्रिया लगायत गम्भिर प्रकृतीका रोगको उपचार हुने गर्दछ । जसको लागी रगतको आवश्यक्ता परिरहने हुदाँ बेला बखत बिभिन्न संघ संस्थाहरुसँगको सहकार्यमा रक्तादन कार्यक्रममा गरिदै आएको अस्पतालले जनाएको छ ।