विराटनगर । विराटनगर – १२ का २७ वर्षीय युवा अभिषेक धमलाले विराटनगरमा ‘द ग्राभेटि लाउन्ज’ रेष्टुरेन्ट संचालनमा ल्याएका छन् । उनले विराटनगर १० मा अंग्रेजी नयाँ वर्षको अवसर पारेर रेष्टुरेन्ट संचालनमा ल्याएका हुन् । उक्त रेष्टुरेन्टको उद्घाटन नेपाल खेलकुद महासंघका अध्यक्ष पर्शुराम बस्नेतले गरे ।

विराटनगरको सास्थम कलेजबाट होटल म्यानेजमेन्टको पढाइ सकेर एक वर्ष माल्दिभसमा इन्टर गरेपछि स्वदेश फर्किएका अभिषेकले आफ्नै देशमा स्वरोजगार बन्ने उद्देश्यले रेष्टुरेन्ट खुलेका छन् । माल्दिभसमा रहदा होटल तथा रेष्टुरेन्ट क्षेत्रमा काम गरेका अभिषेकले पढाइको अनुभवले उक्त रेष्टुरेन्टमा सेवा दिने पनि उल्लेख गरे । स्वदेशमा नै केही गरौँ भन्ने उद्देश्यले खोलेको उक्त रेष्टुरेन्टमा २० जनालाई रोजगारी दिएका छन् ।

रेष्टुरेन्टमा भारत, इटालीयन, चाइनिज, नेपाली, थाइलगायत विभिन्न देशका खानाको परिकारहरु पाइनेछ । ‘यहाँ अर्ग्यानिक हिसाबको खानाका परिकार पनि यहाँको मुख्य पहिचान हुनेछ । त्यसका साथै आफनो रेष्टुरेन्टमा मासु, खसीको र कुखुराको विभिन्न परिकार पेय पदार्थ लगायत नेपालमा चलिआएका धेरैजसो आइटम पाइनेछ ।’ उनी भन्छन् ‘हाम्रो रेष्टुरेन्टले गुणस्तरमा कम्प्रमाइज गर्नेछैन ।’ मिठो परिकार खुवाएर ग्राहकलाई सन्तुष्ट बनाउने नै आफनो मुल लक्ष्य रहेको उनले सुनाए ।

रेष्टुरेन्ट पारिवारिक बातवरणको रहेको उनले सुनाए । ‘यहाँ लाइभ म्युजिक हुने छैन । शान्त वातवरणमा मिठो परिकार खुवाएर हामी ग्राहकलाई सन्तुष्ट प्रदान गर्नेमा केन्द्रित हुनेछौं,’ अभिषेकले सुनाए ।

उनको विराटनगरमा होटल म्यानिजमेन्ट कलेज पनि रहेको छ । सत्कार होटल एण्ड टुरिजम स्कुलमा अहिले प्लस टु र डिप्लोमा पढाइ हुने गरेको उनले सुनाए । उनको रेष्टुरेन्ट माथि जिम क्लब पनि रहेको छ । जिम र रेष्टुरेन्टमा गरि करिब एक करोड बढी लगानी गरेको उनले सुनाए ।