विराटनगर । विराटनगरस्थित कोशी अस्पतालमा पहिलो पटक टाउँको ‘क्रेनियोप्लाष्टि’ सर्जरी गरी सफल उपचार गरिएको छ । विराटनगर – १२ बखरकीका ५२ वर्षीय भरतलाल राजवंशीको टाउँको ‘क्रेनियोप्लाष्टि’ सर्जरी गरी सफल उपचार गरेको हो ।

राजवंशी सवारी दुर्घटनामा परी टाउँको चोट लागेको थियो । उनी सिटी सफारी चालक हुन् । घाइते भएका राजवंशीले विराटनगरको निजी हस्पिटलमा गएर उपचार गरे । उपचारमा उनीसँग भएको र ऋण खोजेर आठ लाख रुपैयाँ सके । तर, उनी पूर्ण रुपमा ठिक भएनन् । आर्थिक अवस्था नाजुक भएका राजवंशी ऋण खोजेर थप उपचारको लागि निजी हस्पिटल जानसक्ने अवस्था थिएन । त्यसपछि उनी गत बिहीबार कोशीमा पुगेका थिए ।

उनको स्वास्थ्य उपचार हेरेपछि चकित्सकले शल्यक्रिया गरिनुपर्ने सुझाब दिए । चिकित्सकको सुझाब अनुसार शुक्रबार राजवंशीको टाउँको ‘क्रेनियोप्लाष्टि’ सर्जरी गरियो । कोशी अस्पतालका न्यूरो सर्जन डा. चन्द्रप्रकाश यादवको टिमले राजवंशीको टाउँको क्रेनियोप्लाष्टिक सर्जरी गरेका हुन् । कोशीमा टाउँको क्रेनियोप्लाष्टिक सर्जरी पहिलो पटक गरिएको उनले बताए । ‘न्यूरो सर्जरी सेवा सुरु भएको ढेड वर्ष भयो । अहिलेसम्म २० वटा भन्दा बढी शल्यक्रिया गरियो । अहिलेसम्म गरिएको शल्यक्रिया मध्ये टाउँको क्रेनियोप्लाष्टिक सर्जरी पहिलो हो,’ डाक्टर यादवले भने, ‘यो जटिल अप्रेसन हो । ब्रेन धेरै मात्रामा स्वइलिन भएको थियो । हामीले शल्यक्रियाको माध्यमबाट क्रेनियोप्लाष्टिक गरिएको छ ।’
शल्यक्रिया गरेको एक सातापछि राजवंशी सोमबार डिस्चार्ज भएका छन् । ‘स्वास्थ्यमा सुधार आएपछि हामीले डिस्चार्ज गरिएको हो,’ डा. यादवले भने, ‘अहिले उहाँ ठिक हुनुभएको छ । विगतको जस्तै गरि अब राम्रोसँग हिडडुल गर्नसक्ने हुनुभएको छ ।’
उपचारपछि श्रीमानको स्वाथ्य अवस्था ठिक भएपछि श्रीमति संगीता राजवंशी हर्षित मुद्रामा देखिएका छन् । ‘अहिले श्रीमान हाँस्न र बोल्न सक्ने हुनुभएको छ । एक साताको उपचारपछि डिस्चार्ज हुने भएको छ,’ उनले भनिन्, ‘चिकित्सक र अस्पतालले श्रीमानलाई बचाउन गरेको यो सहयोग म बिर्सन सक्दिनँ । उपचारमा सहयोग पु¥याउने प्रति आभारी छु ।’
यसअघि पनि कोशी अस्पतालमा टाउँमा गाडिएको हड्डी शल्यक्रिया गरि निकालेको थियो । कोशी अस्पतालमा जटिल प्रकारको शल्यक्रिया पनि हुन सुरु भएको कोशी अस्पतालका प्रमुख मेडिकल सुपरिन्टेण्डेन्ट (मेस) डा. चन्द्रभाल झाले बताए । कोशीमा न्यूरो सर्जरीको सेवाहरु अहिले संचालनमा रहेको उनले बताए । आर्थिक रुपमा विपन्न परिवारले उपचार खर्च नभएको बताएपछि अस्पतालले शल्यक्रियादेखि उपचार खर्च पनि निःशुल्क गरेको उनले बताए ।