विराटनगर । बेसिक क्रिटिकल केयरमा काम गर्ने डाक्टर र नर्सहरूलाई तालिम दिएको छ । बिराट मेडिकल कलेज सिमुलेसन फाउण्डेसन र नेपलीज सोसाईटी फर क्रिटिकल केयर मेडिसिनले आवासीय डाक्टर मेडिकल अधिकृत तथा सघन उपचार कक्षमा कार्यरत नर्सहरुको लागि तालिम दिएको हो ।

तालिममा बेसिक क्रिटिकल केयर तर्फ काम गर्ने २४ जना र बेसिक फर नर्ससेस तर्फ ४८ जनाको सहभागिता रहेको थियो ।
क्रिटिकल केयरमा काम गर्ने प्रत्येक डाक्टर तथा नर्सहरूले यो तालिम अनिवार्य लिनुपर्ने बिराट मेडिकल कलेज सिमुलेसन फाउण्डेसन कोर्षका डाईरेक्टर डा. ललित राजबंशीले जानकारी दिए ।

बेसिक फर नर्ससेस तालिम चाईनिज युनिवर्सिटी अफ होंगकोङ्गले तैयार पारेको हो । विश्वभर मान्यता प्राप्त कोर्ष रहेको बताइएको छ । दुई दिने तालिम बिराट मेडिकल कलेज सिमुलेसन ल्याब टंकीसिनुवारीमा सम्पन्न भएको हो । तालिममा नेपालका विभिन्न अस्पतालका नर्सहरुले सहभागीता रहेको थियो ।
सहभागीहरूले यो तालीम निक्कै फलदायी भएको र सघन उपचार कक्षमा कामगर्न निक्कै सहज हुने बताएका छन् । तालिम लिन छुटेकाका स्वास्थ्यकर्मीहरुले आगमी दिनमा लिने बताएका छन् । सहभागीहरूलाई प्राध्यापक डा. सुवाष प्रशाद आचार्य, प्राध्यापक डा. शितल अधिकारी, डा.ललित राजवंशी, डा. वात्सल्य अर्याल, डा.कुमोद प्याकुरेल, डा. दिप्तेश अर्याल, डा. कनक खनाल, डा. दिपक पौडेल , डा. गुन्जन रेग्मी, डा. अनुजा पोख्रेलले सघन उपचार तथा भेन्टिलेटर सम्बन्धि तालीम दिएका थिए ।