विराटनगर । मोरङ सुनवर्षी नगरपालिका ९ डाइनिया स्थित मोतिचन्द साहको घरमा कोठा भाडामा लिएर बस्ने ब्रिजलाल साह सोनारले सञ्चालन गरेको ‘मनिष ज्वेलर्स’ मा चोरी भएको छ । सटर मुनि लगाईएको ईटाको देवाल भत्काई ज्वेलर्समा रहेको सुन, चाँदीका गरगहना चोरी भएको हो ।

भदौ १५ गते बिहान ४ बजेको समयमा सुन पसलबाट एक तोला सुन र नगद पैसा चोरी भएको थियो । चोरी गर्ने मोरङ रतुवामाई नगरपालिका ५ वस्ने वर्ष २५ का संजय पासवान र सोही ठाउँका वर्ष २२ का मुना मण्डल रहेको मोरङ प्रहरीका प्रवक्ता डिएसपी रन्जन कुमार दाहालले जानकारी दिए । चोरी गरेर भाग्दै गर्दा इलाका प्रहरी कार्यालय रंगेली र मातहत प्रहरी चौकी डाइनियाले उनीहरुलाई पक्राउ गरेको हो । सोनारको पसल र प्रहरी चोकी डाइनिया निजकै रहेको छ । पसलको सामान चोरी गरेर भाग्ने क्रममा प्रहरीले देखेपछि उनीहरुलाई पक्राउ गरेको इप्रका रंगेलीले बताएको छ ।

प्रहरीले उनीहरुको साथबाट सुनको गरगहाना, ३४ ट्याबलेट लागूऔषध र चोरी गर्न प्रयोग हुने साधन समेत फेला परेको प्रहरीले जनाएको छ ।
पक्राउ परेका दुवै जनालाई लागु औषध तथा चोरी मुद्दामा मोरङ अदालतबाट ५ दिनको म्याद थप गरी अनुसन्धान भई रहेको छ ।