विराटनगर । नेकपा माओवादी केन्द्रले विराटनगरमा शनिबार बिहान निःशुल्क निःशुल्क आँखा जाँच शिविर आयोजना गरेको छ। तीनमहिने जनतासँग माओवादी विशेष रूपान्तरण अभियानअन्तर्गत विराटनगर ४ खारजीमा निःशुल्क आँखा शिविर आयोजना गरिएको हो।

माओवादी विराटनगर महानगर ४ नम्बर वडाद्वारा आयोजित शिविरमा प्राविधिक सहयोग विराटनगरस्थित दिव्य ज्योती आँखा अस्पतालले गरेको थियो । आँखा शिविरमा तीन सय बढीले आँखा जाँच गरेका थिए । आँखा जाँच गरेका विरामीलाई निःशुल्क चस्मा र औषधी पनि प्रदान गरेको माओवादी नेता विनोद घिमिरेले जानकारी दिए ।

संगठन सुदृढीकरण र विस्तारका लागि माओवादीले आज देशभरका ६ हजार ७४३ वडामा एकसाथ अभियान सुरु गरेको हो । माओवादीले पदाधिकारीदेखि केन्द्रीय सदस्यसम्मलाई वडावडाको जिम्मेवारी दिएर अभियानमा खटाएको छ ।