विराटनगर । नेपाल प्रेस यूनियन मोरङको अध्यक्षमा बेदराज पौडेल निर्वाचित भएका छन् । शुक्रबार सम्पन्न भएको निर्वाचनको मत परिमाण अनुसार पौडेलले ६७ मत ल्याएर अध्यक्षमा निर्वाचित भएका हुन् । उनका प्रतिस्पर्धाी सुशिला पाठकले ६१ मत पाइन् ।
अध्यक्षमा निर्वाचित पौडेलले संस्थापन इतर समूहबाट उम्मेदवारी दिएका थिए । पाठक संस्थापन समूहकी उम्मेदवार हुन् । खुल्ला उपाध्यक्ष तर्फ पौडेल समूहका पर्शुराम (प्रशान्त) निरौला निर्वाचित भए । निरौलाले ६७ मत प्राप्त गरी विजयी भए भने संस्थापन समूहका जितेन्द्र नारायण ठाकुर ५० मत प्राप्त गरी पराजित भए ।

समावेशी उपाध्यक्ष तर्फ संस्थापन समूहका दिलिप अग्रवाललाई पराजित गरेर पौडेल समूहका सोनुकुमार दास निर्वाचित भए । दासले ७५ र अग्रवालले ५३ मत प्राप्त गरेका थिए । सचिवमा पौडेल समूहबाट गोपाल पोखरेल निर्वाचित भए । ८४ मत ल्याएर पोखरेल निर्वाचित हुँदा ४३ मत ल्याएर संस्थापन समूहका धिरज दाहाल पराजित भए । कार्यसमितिको सदस्यमा पनि पौडेल समूहले जितेको छ । अनुज सापकोटा, प्रेम केडी भट्टराई, सरल कट्टेल, अस्मिता आचार्य निर्वाचित भएका छन् ।