विराटनगर । विराटनगर १० मा रहेको लर्डबुद्ध कलेजले ४ दिन सम्म निः शुल्क स्वास्थ्य शिविर सुरु गरेको छ । लर्ड बुद्ध कलेजको आयोजना तथा न्युरो हस्पिटलको प्राविधीक सहयोगमा एसइइ दिएका विद्यार्थी र उनीहरुका अभिभावकलाई कलेजले मंगलबारबाट ४ दिन सम्म निशुल्क स्वास्थ्य शिविर सुरु गरेको हो ।

न्युरो अस्पतालकी कार्यकारी निर्देशक डां अनिशा बिष्टको स्वास्थ्य र शिक्षालाई सँगसँगै लैजाने उद्देश्यका साथ कलेजले विराटनगरमा एसइइ दिएका विद्यार्थी तथा अभिभावकहरुलाई निः शुल्क स्वास्थ्य चेकजाँच गरिएको लर्ड बुद्ध कलेजका प्रशासन प्रमुख एन्जेश कोईरालाले जानकारी दिए ।

मंगलबारबाट सुरु भएको निः शुल्क स्वास्थ्य शिविरमा पहिलो दिन १९७ जना विद्यार्थी तथा उनीहरुका अभिभावकले सेवा लिएको कलेजले जनाएको छ । स्वास्थ्य शिविरमा वरिष्ठ आपत्कालिन सेवा चिकित्सक गोल्ड मेडलिस्ट डाक्टर प्रफुल्ल कोइरालाको नेतृत्वमा डाक्टर सुभम घिमिरे लगायतको चिकित्सकिय टोलिले स्वास्थ्य सेवा प्रदान गरिहेको छ ।

४ दिन सम्म चल्ने उक्त शिविरमा प्रेसर सुगर लगायत प्रारम्भिक जाँच कलेजमै गरिएको र अन्य थप विरामीको अवस्था हेरेर न्युरो अस्पतालमा स्वास्थ्य गउपचार गरिने कलेजका प्रशासन प्रमुख कोईरालाले जानकारी दिए । शिविरमा सेवा लिनेहरुका लागी न्युरो अस्पतालमा निः शुल्क ओपीडी सेवा र ल्यावहरुमा २५ प्रतिशत सम्म छुटको व्यावस्था गरेको कलेजले जनाएको छ ।
स्वास्थ्य शिविर कार्यक्रमको उद्धघाटन न्युरो अस्पतालका अप्रेसनल डाईरेक्टर राजेश भट्टराईले गरेका थिए । गुणस्तरीय शिक्षा प्रदान गरी विद्यार्थी र अभिभावको रोजाइमा परेको लर्डबुद्ध कलेजले विद्यार्थीहरु र उनीहरुका अभिभावकहरुलाई स्वस्थ्य राख्न कलेज परिसरमै निःशुल्क स्वास्थ्य शिविर आयोजना गरिएको हो ।