विराटनगर । त्रिभुवन विश्वविद्यालयले प्रकाशित गरेको विविएस तेस्रो वर्षको नतिजा अनुसार विराटनगर – ७ स्थित मेरिल्याण्ड कलेजले उत्कृष्ट नतिजा ल्याएको छ ।

मेरिल्याण्डकी छात्रा कृति बोहराले ७७.८ प्रतिशत (डिस्टीङ्सन) अंक प्राप्त गरी प्रदेश प्रथम भएको कलेजले दाबी गरेको छ ।
त्यस्तै अर्की छात्रा सिम्रन कर्णले ७५.५ प्रतिशत (डिस्टीङसन) अंक ल्याई प्रदेशमा दोस्रो पोजीशन ल्याएको कलेजको भनाई छ । २ जना डिस्टीङ्सनसहित १९ जना प्रथम श्रेणी, २६ जना द्वितिय श्रेणी सहित मरील्याण्डका विद्यार्थीले उत्कृष्ट नतिजा ल्याएको कलेजका प्रिन्सिपल लक्ष्मण ढकालले जानकारी दिए ।

मेरिल्याण्डकी छात्रा राजलक्ष्मी अग्रवालले पनि २०७७ सालको विविएस दोस्रो वर्षको परीक्षामा ७५.४० (डिस्टीङ्सन) प्रतिशत अंक ल्याई प्रदेश प्रथम भएकी थिइन । त्यसैगरि मेरिल्याण्डकी छात्रा सिम्रन अग्रवालले २०७८ सालको विविएस तेस्रो वर्षको परीक्षामा नेपालमै सर्वाधिक ८२.२ प्रतिशत अंक ल्याई नेपाल प्रथम हुन सफल भएकी थिइन् । त्यस्तै २०७४ सालमा रोहित कार्कीले विविएस चौथो वर्षमा ८४.३ प्रतिशत अंक ल्याई नेपाल प्रथम भएका थिए । त्यस्तै २०६७ सालमा किन्जल पोखेलले त्रिभुवन विश्वविद्यालय टप गरि तत्कालिन प्रधानमन्त्रि डा. बाबुराम भट्टराईबाट गोल्डमेडल प्राप्त गरेका थिए । मेरिल्याण्ड प्लस टु, बीबीएस र सिए तिनै तहमा नेपाल प्रथम हुने कोशी प्रदेशको एक मात्र शैशिक संस्था हो ।

व्यवस्थापन शिक्षामा मेरिल्याण्ड उत्कृष्ट संस्था भएकाले विद्यार्थीहरुको पहिलो रोजाई पनि मेरिल्याण्ड नै पर्दछ । उत्कृष्ट अंक प्राप्त गर्ने कृति र सिम्रनले यहाँको शैक्षिक वातावरण र सहयोगि शिक्षकहरु हुनु नै हाम्रो सफलताको कारण बताएको बताए ।
व्यवस्थापन शिक्षामा २० वर्षको सफल इतिहास रचेको मेरिल्याण्ड कलेज कोशी प्रदेश र राष्ट्रकै उत्कृष्ट शैक्षिक संस्थाको रुपमा परिचित रहेको छ ।