विराटनगर । भ्रष्टचारीलाई कारवाहीको माग राख्दै विराटनगरमा प्रर्दशन गरिएको छ । भ्रष्टचार विरुद्धको नागरिक निगरानी संस्था विराटनगर मोरङले सोमबार जिल्ला प्रशासन कार्यालय मोरङ अगाडी प्रदर्शन गरेका हुन् ।

भुटानी शरणार्थी प्रकरणमा निष्पक्ष छानविन गरी दोषीलाई कडा कारवाहीको माग राख्दै उनीहरुले गर्मीको वास्ता नगरी विरोध जनाए । उनीहरुले नक्कली भुटानी शरणार्थी प्रकरणले सरकार र राजनीतिक दल अन्तर्राष्ट्रिय जगतमा नांगिएको भन्दै विरोध गरे ।

उनीहरुले भ्रष्टचार विरुद्ध एक जुट हऔं, दोषी कोही नछुटुन निर्दोष कोही नफसुन भन्ने प्लेकार्डसहित प्रर्दशनमा उत्रिएका थिए । विराटनगरमा पछिल्लो समय दिनहुँ विभिन्न समूहले भ्रष्टाचारीलाई कारबाहीको माग राख्दै प्रदर्शन गरिरहेका छन् ।