विराटनगर । मोरङको ग्रामथान गाँउपालीका २ झोराहाटमा रहेको रवि आधाभुत विद्यालयका विद्यार्थीलाई व्याग वितरण गरिएको छ । स्कुल परिसरमा बुधबार एक कार्यक्रमको आयोजना गरी दलित समुदायका विद्यार्थीहरुलाई व्याग वितरण गरिएको हो ।

अति विपन्न समुदायका विद्यार्थीहरुलाई स्कुलको किताबकपि बोक्न समेत समस्या भईरहेको बेला ग्रामथान गाँउपालीकाले ३ सय थान झोला विद्यार्थीहरुलाई वितरण गरेको थियो । विद्यार्थीहरुलाई गाँउपालीका उपाध्यक्ष गुनावती धामी, गाँउपालीका समाजिक संयोजक सुरेशकुमार माझी, शिक्षा युवा खेलकुद शाखा प्रमुख भिम प्रसाद न्यौपाने , शिक्षा शाखा प्राविधिक सहायक सुर्यराज पुरी , वडा नम्बर २ का वडा अध्यक्ष यादव खतिवडा र स्कुल व्यावस्थापन समितिका अध्यक्ष तुलसी सरदार लगायतले विद्यार्थीहरुलाई व्याग वितरण गरेका थिए । रवि आधारभुत विद्यालयमा अधिकास दलित समुदायका विद्यार्थीहरु अध्ययनरत छन् । स्कुलमा आउन चाहने तर आर्थिक अवस्था कमजोर भई व्याग किन्न नसकिरहेका विद्यार्थीले व्याग पाएसँगै विद्यार्थीहरु हर्षित देखिन्थे ।

स्कुलमा अधिकाश दलित सुुमदायका अति विपन्न परिवारका छोराछोरीहरु अध्ययनरत छन् । गाँउपालीकाले विद्यार्थीहरुलाई व्याग वितरण गरेकाले विद्यार्थीहरुमा पढाईमा जोसजागर सँगै हौसला बढ्ने विद्यालयका प्रध्यानध्यापक जितेन्द्र सरदारले बताए । गाँउपालीकाले स्कुललमा अध्ययनरत ३ सय जना विद्यार्थीहरुलाई व्याग वितरण गरेको उनले बताए । कक्षा नर्सरीदेखी कक्षा ८ सम्म पढाई हुदै आएको विद्यालयमा ४ सय १८ जना दलित समुदायका विद्यार्थीहरु अध्ययनरत छन् । यो विद्यालय मोरङको नमूना विद्यालयको रुपमा परिचत रहेको छ । नमूना विद्यालयको रुपमा कोशी प्रदेशले यसअघि पुरस्कृत पनि गरिसकेको छ ।