विराटनगर । जोगवनी –४ ईन्द्रानगर स्थित रहेको हनुमान मन्दिरको पहिलो वार्षिक उत्सव कार्यक्रम भव्य रुपमा मनाउने तयारी भईरहेको छ । जोगवनीको रेलवे स्टेसनको पश्चिम तर्फ एक वर्ष अगाडि प्राण प्रतिष्ठा गरिएको हनुमान मन्दिर र शनि देवताको मन्दिर स्थापना गरेको एक वर्ष पूरा गरेको अवसरमा ५ दिवसीय भव्य कार्यक्रम आयोजना गरी मनाउने तयारी भईरहेको आयोजक समितिको अगुवा किमी आनन्दले जानकारी दिए ।

स्थानियको श्रमदानले निर्माण गरेको उक्त मन्दिरमा गरिने कार्यक्रमको सबै श्रेय स्थानीयलाई दिँदै किमी आनन्दले पत्रकार सम्मेलन गरी वैशाख ३ गते देखि ७ गते सम्म हुने कार्यक्रमको बारेमा जानकारी गराएका छन् ।

वैशाख ३ गते पहिलो दिन बिहान ६ बजे देखि ५ हजार बढीको महिला र पुरुषहरु घोडा सहित कलश यात्रा निकाल्ने जानकारी दिए । कलशयात्रामा नेपाल भारत दुवै देशको श्रद्धालु भक्तजनहरूको सहभागिता हुने समेत आनन्दले पत्रकार सम्मेलनमा जानकारी दिए ।

पाँच दिन लगातार बनारसको प्रशिद्ध धर्मगुरु चन्द्रमान द्विवेदी जी महाराजको मुखरविन्दबाट श्रीमद् भागवत महापुराण कथा वाचन तथा धार्मिक प्रवचनको कार्यक्रम रहने जनाइएको छ ।