विराटनगर । विराट व्यापार संघका अध्यक्ष नरेश खत्रीसहित चार जना सम्मानित भएका छन् । नेपाल घरेलु तथा साना उद्योग महासंघ मोरङको २४औं वार्षिक साधारण सभा तथा महिला उद्यम समितिको २०औं वार्षिक साधारण सभाको अवसर पारेर बुधबार खत्रीसहित चार जना सम्मानित भएका हुन् ।
विराट व्यापार संघका अध्यक्ष समेत रहेका खत्री विराटनगर–५ स्थित चामुण्डा गार्मेन्ट उद्योग संचालक पनि हुन् । नेपालमै उत्पादन गरेको सामान नेपालमै विक्री वितरण गर्ने चामुण्डा गार्मेन्ट उद्योगले १ सय भन्दा बढि व्यक्तिलाई रोजगार उपलब्ध गराएको कारणले नेपाल घरेलु तथा साना उद्योग संघले उनलाई सम्मान गरेको हो ।
यस्तै उद्यमी र स्वरोजगारको क्षेत्रमा उल्लेखिनय योगदान पु¥याएको भन्दै विराटनगरस्थित तबस्सुम ब्युटी पार्लर एण्ड इन्च्यिुटका संचालकसमेत रहेकी सायदा तबस्सुमलाइ पनि सम्मान गरिएको छ । खाद्यन्य उद्योगबाट पथरीमा रहेको न्यू गोर्खाली उद्योगका संचालक तुलसी ढकाल र सेवा मुलक उद्योगबाट विराटनगर १० मा रहेको पोखरेल कुटनी पिसानी मिलका संचालक यामुना पोखरेललाई सम्मान गरिएको छ । सम्मानि तसबैलाई कोशी प्रदेका मुख्यमन्त्री हिक्मतकुमार कार्कीले कदर पत्र र दोसल्ला ओढाएर सम्मान गरेका थिए ।