विराटनगर, २८ चैत । रोटरी क्लब अफ विराटनगरले महिला र छात्राहरुलाई साइकल वितरण गरेको छ । एक कार्यक्रमकाबिच क्लबले १८ जना महिला र छात्राहरुलाई साइकल वितरण गरेको हो ।

रोजगारीका लागि काममा जान सहज होस भनेर विपन्न परिवारका महिलाहरुलाई साइकल वितरण गरिएको क्लबले जनाएको छ । त्यस्तै विद्यालय तथा कलेजमा अध्ययन गर्ने छात्राहरुलाई यातायातका लागि साइकल हस्न्तरण गरिएको रोटरी क्लब अफ विराटनगर डाउनटाउनकी अध्यक्ष रेखा राठीले जानकारी दिइन् ।

साइकल रोटरी क्लबका गभर्नर जितेन्द्रबहादुर राजभण्डारीको उपस्थितिमा क्लबले महिला सशक्तीकरणका लागि विपन्न महिला तथा छात्राहरुलाई १८ वटा साइकल वितरण गरेको हो । लभान्वित हुने महिला र छात्राहरु चित्रगुप्त समाज कल्याण परिषद तीनटोलीयाको सहजिकरणमा छनौट गरिएको थियो ।