विराटनगर । रााष्ट्रिय सौन्दर्यकर्मी युनियन नेपाल महानगर कमिटि विराटनगरको अध्यक्षमा भली सुब्बा गुरूङ्ग निर्विरोध निर्वाचित भएकी छिन् । राष्ट्रिय सौन्दर्यकर्मी युनियन नेपाल विराटनगरको चौथो अधिवेशनले सुब्बालाई अध्यक्षमा निर्विरोध निर्वाचित गरेको हो ।

मंगलबार सम्पन्न भएको अधिवेशनबाट उपाध्यक्ष सरिता राई, सचिब बसन्त कुमारी गुरुङ्ग, सह–सचिब सकुन्तला भगत, कोषाध्यक्ष सन्जु साह रहेकी छिन् ।
सदस्यहरुमा सृजना लिम्बु, पुनम पोद्धार, अनुपमा पोद्धार, रन्जु नायक, दीपा बस्नेत, यसोदा थापा रहेकी छिन् ।

सोही अवसमार सात जनालाई सम्मान गरिएको छ । यसरी सम्मानित हुनेहरूमा राष्ट्रिय सौन्दर्यकर्मी युनियन नेपाल कोशी प्रदेशका उपाध्यक्ष ललिता धिमाल, केन्द्रीय सदस्य गंगा तामाङ्ग, प्रदेश इन्चार्ज सायदा तमसुम, सचिब कला डाँगी, महानगर कमिटिको कोषाध्यक्ष मन्दिरा भट्टराई रहेका छन् । पत्रकारद्धोय प्रेम देवान र अनिल श्रेष्ठलाई पनि सम्मान गरिएको थियो ।

उनीहरुलाई कार्यक्रमको प्रमुख अतिथि जिफन्ट प्रदेश १ का अध्यक्ष किशोर धमाल, राष्ट्रिय सौन्दर्यकर्मी युनियन नेपालकी केन्द्रीय उपाध्यक्ष अन्जु गुरुङ्ग, केन्द्रीय महासचिब सुजना जोशीले कदर पत्र र दोसल्ला ओढाएर सम्मान गरेका थिए ।

सौन्दर्यकर्मी यूनियनले २५ हजारको कोष पनि स्थापना गरिएको छ । कुनै पनि गम्भिर रोग लागेर विरामी भएका युनियनमा आवद्ध सौन्दर्यकर्मीको उपचारमा सहज पु¥याउने उद्देश्यले जिफन्टको एकबद्धता कोषमा रकम जम्मा गरेको नवनिर्वाचित अध्यक्ष सुब्बाले बताइन् ।

नवनिर्वाचित अध्यक्ष सुब्बाले सौन्दर्यकर्मी पेशालाई मर्यादित र व्यवस्थित गर्दै संगठीत रुपमा अगाडी बढाएर लैजाउने उनले बताइन् । ब्यूटिसियनहरुको हकहतिमा आफु सधैभरी लागि पर्दै अगाडी बढने उनले उनको भनाई छ ।