विराटनगर । विराटनगरस्थित सेन्ट्रल मलको पहिलो तलामा जुम्बा डान्स संचालनमा आएको छ । मंगलबार एक कार्यक्रम आयोजना गरी जुम्बा संचालनमा ल्याएको हो ।

दक्ष प्रशिक्षकबाट सिकाइने जुम्मा डान्स सेन्ट्रल मलमा संचालनमा ल्याएको सेन्ट्रल मलका प्रबन्धक निर्देशक बिकास चौधरीले जानकारी दिए । सेन्ट्रल मलमा संचालनमा आएको जुम्बामा दक्ष प्रशिक्षकहरूबाट सिकाइने उनले बताए । ‘जुम्बा डान्स मुभमेन्टबाट गरिने फिटनेस थेरापी हो । यो शारीरिक तथा मानसिक स्वास्थ्यका लागि प्रभावकारी मानिन्छ । हरेक व्यक्तिले आफ्नो उमेर र अवस्था हेरेर विभिन्न जुम्बाका फर्मुला अपनाउन सक्छन् ,’ उनले भने ।

जुम्बा डान्सको समय १ घन्टाको हुने गर्छ । सेन्ट्रल मलमा सुरु भएको जुम्बा विहान र साझमा हुने बताइएको छ । एक घन्टा जुम्बा गर्दा आठ सयदेखि एक हजार क्यालोरी घटाउन सकिन्छ । गीतको तालमा डान्स गर्ने भएकाले वर्कआउट गरेको जस्तो अनुभव हुँदैन । फलस्वरूप छोटो समयमा नै तौल नियन्त्रणमा ल्याउन सकिन्छ । बच्चादेखि वृद्धवृद्धाले सजिलै जुम्बा गर्न सक्छन् । जुम्बापछि तनावमुक्त भइन्छ । यसले शरीरमा एकप्रकारको ऊर्जा दिने गर्छ । आलश्यपना, तनाव घटाउँछ । युरिक एसिड, थाइराइड, मुटुरोगलगायत समस्या कम गर्न जुम्बा प्रभावकारी मानिन्छ ।