विराटनगर । मोरङको सुन्दरहरैचाको गोठ गाउँमा रहेको पूर्वाञ्चल विश्व विद्यालयलाई मेडिकल कलेज सञ्चालनको लागि शिक्षण अस्पतालको रूपमा प्रयोग गर्न कोसी अस्पताल दिने सिंघय सरकारले निर्णय भएको छ । 

सोमबार बसेको मन्त्रीपरिषद्को बैठकले सङ्घीय सरकार अन्तर्गत रहेको कोसी अस्पताललाई पूर्वाञ्चल विश्व विद्यालयलाई शिक्षण अस्पतालको रूपमा प्रयोग गर्न दिने निर्णय गरेको हो । 

मन्त्रीपरिषद्को बैठकले कोसी अस्पताललाई शिक्षण अस्पतालको रूपमा प्रयोग गर्न अनुमति पाएसँगै पूर्वाञ्चल विश्व विद्यालयलाई मेडिकल कलेज सञ्चालनको लागि बाटो खुलेको छ । मेडिकल कलेज सञ्चालनको लागि चिकित्सा शिक्षा ऐनले तीन वर्षदेखि सञ्चालन हुँदै आएको ३ सय शय्याको अस्पताल हुनुपर्ने मापदण्ड तय गरेको छ । पूर्वाञ्चल विश्व विद्यालयसँग पर्याप्त पूर्वाधार भए पनि आफ्नै हस्पिटल थिएँ । मन्त्रीपरिषद्को बैठकबाट कोसी अस्पताललाई शिक्षण अस्पतालको रूपमा प्रयोग गर्न अनुमति पाएपछि विश्वविद्यालयले मेडिकल कलेजको लागि सहज भएको उपकुलपति प्रा. डा. यादव राज कोइरालाले बताए । अब एमओयू तयार गरी त्रिपक्षीय सम्झौता हुनेछ । स्वास्थ्य तथा जनसङ्ख्या मन्त्रालय, शिक्षा मन्त्रालय र पूर्वाञ्चल विश्व विद्यालयबिच त्रिपक्षीय सम्झौता गरेर शिक्षक दरबन्दी खुलाउने उनले बताए । 

‘एमबीबीएको लागि भवन तयार छ । शिक्षक दरबन्दी खुलाएर अर्को सालबाट एमबिबिएसको पठनपाठन हुनेछ,’ उनले भने ।

एमबिबिएसको पाठ्यक्रम र भौतिक पूर्वाधार बनिसकेको र पुस्तकालयसमेत अपडेट गरिसकेको उपकुलपति कोइरालाले बताए । 

विश्व विद्यालय भएको क्षेत्र प्रदेश १ सरकारका पर्यटन,वन तथा वातावरण मन्त्री जीवन आचार्यको पर्दछ । उनले  निर्वाचनको बेला प्राथमिकताका साथ पूर्वाञ्चल विश्व विद्यालयमा मेडिकल कलेज स्थापना गर्ने बताउँदै आएका थिए । आफ्नो निर्वाचन क्षेत्रमा पर्ने पूर्वाञ्चल विश्व विद्यालयमा मेडिकल कलेज सञ्चालन गर्ने बाचा निर्वाचनको समयमा यहाँका मतदातालाई उनले विश्वास पारेका थिए  । मेडिकल कलेज संचालको लागि शिक्षण अस्पताल कोसी प्रयोग गर्न पाउने निर्णय भएसँगै मेडिकल कलेज सञ्चालनको बाटो खुलेपछि यस क्षेत्रका हजारौँ नागरिकहरूले आचार्यलाई विकास प्रेमीको रूपमा धन्यवाद दिन थालेका छन् ।