मोरङको ग्रामथान गाउँपालिकाले सञ्चालन गर्यो कोभिड–१९ अस्थायी अस्पताल - News Birat

मोरङको ग्रामथान गाउँपालिकाले सञ्चालन गर्यो कोभिड–१९ अस्थायी अस्पताल

न्यूज विराट

विराटनगर, ५ वैशाख । मोरङको ग्रामथान गाउँपालिकाले अस्थायी कोभिड–१९ अस्पताल सञ्चालनमा ल्याएको छ । गाउँपालिकाले कोरोना भाईरस संक्रमित व्यक्तिहरुलाई उपचार गराउने उद्धेश्यले ग्रामथान गाउँपालिका वडा न २ स्थित पिडाडवनीमा आइतबारदेखि अस्थायी कोभिड–१९ अस्पताल सञ्चालनमा ल्याएको हो ।

गाउँपालिका क्षेत्र भित्र कोरोना भाईरस संक्रमण देखिएका व्यक्तिहरुलाई उपचार गराउन सहजताका लागि अस्पताल सञ्चालनमा ल्याएको गाउँपालिकाका अध्यक्ष शिवनारायण माझीले बताए ।

कोरोना संक्रमित दिन–प्रति दिन बढन थालेपछि संक्रमणबाट सुरक्षित रहनका लागि सुविधा सम्पन्न ५ शैयाको अस्पताल सञ्चालनमा ल्याएको उनले बताए ।

अध्यक्ष माझिले अस्थायी कोभिड–१९ अस्पताल उद्घाटन गर्दै कोरोना संक्रमणबाट सुरक्षित रहन गाउँपालिकामा लकडाउन गर्नु पर्ने अवस्था आएमा लकडाउन समेत गर्ने बताए । अस्पतालमा एक जना मेडिकल अधिकृत, २ जना स्टाफ नर्स, एक जना कार्यालय सहयोगी र २ जना कर्मचारी खटाइएको गाउँपालिकाले जनाएको छ ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles