राशिफल

विराटनगरको महेन्द्र रात्री माविलाई रोटरीले बनायो ‘ह्याप्पी स्कूल’

 न्यूज विराट

विराटनगर, ९ माघ । रोटरी क्लब अफ विराटनगर डाउनटाउनले विराटनगरस्थित महेन्द्र रात्री माविको जिर्णोद्वार र रंगरोगन गरी हस्तान्तरण गरेको छ ।

ग्लोबल ग्रान्ट अन्तर्गत सो विद्यालयको कक्षाकोठा, शौचालय, ढोका, झ्याल निर्माण तथा घेराबारागरी सम्पूर्ण भवनको जीर्णोद्धार र रंगरोगन गरेर ह्याप्पी स्कूलमा परिणत गरि हस्तान्तर गरेको हो ।

ग्लोबल ग्रान्ट परियोजना १९८४०३४ अन्तर्गत आधारभूत शिक्षा र साक्षरतालाई प्रथामिकतामा राखेको रोटरी क्लब अफ विराटनगर डाउनटाउनले विद्यालयलाई आकर्षक र सुविधा सम्पन्न बनाई हस्तारणतरण गर्ने योजना बनाएको थियो ।

विराटनगरका विभिन्न तीन रोटरी क्लबले तीन सामुदायिक विद्यालयको आधुनिकीकरण गर्ने योजना बनाएको छ । ‘ह्याप्पी स्कूल’ ले विद्यालयमा अध्ययनरत बालबालिका, उनीहरुका अभिभावक र शिक्षकहरू सबैले विद्यालयको बारेमा खुशी महसुस गर्ने वातावरण सृजना जर्ने जनाइएको छ । रोटरी नेपाल साक्षरता मिशनको लक्ष्यसँग मिल्दोजुल्दो उक्त योजना सिकाउने कार्यक्रममा केन्द्रित छ ।

महेन्द्र रात्री माविमा रोटरी क्लब अफ विराटनगर डाउनटाउनले बायरीङ, रेलिङ, वाटर स्टेसन, पुस्तकालय, टेबल सहितको कम्प्युटर कोठा, डेस्क, बेन्च, विभिन्न खेल भएको मोन्टेश्वरी कोठा, कार्यालयलगायतको जिर्णद्वार गरी हस्तान्तरण गरेको हो ।

जस अन्तर्गत विद्यालयका शिक्षकहरुलाई तालिमसमेत प्रदान गरिएको रोटरी क्लब अफ विराटनगर डाउनटाउनकी अध्यक्ष रेखा राठीले जनाकारी दिइन् ।

विराटनगर महानगरपालिकाका मेयर नागेश कोइराला, ३ नम्बर वडाका वडाध्यक्ष कुमार पोखरेल, विद्यालयका प्रधानाध्यापक, महानगरका स शिक्षा शाखा प्रमुख, शिक्षक, रोटरी क्लब अफ विराटनगर डाउनटाउनका पदाधिकारी र सदस्यहरु लगायतको उपस्थितिमा ‘ह्याप्पी स्कुल’ हस्तान्तरण गरिएको थियो ।

सम्बन्धित समाचार

सीएनआई कोशी एक्स्पो सुरू (फोटो फिचर)

विराटनगर । नेपाल उद्योग परिसंघ प्रदेश १ को आयोजनामा विराटनगरमा सीएनआई कोशी एक्स्पो सुरू भएको छ । विराटनगर – २ शंकरपुरमा नेकपा एमालेका अध्यक्ष तथा पूर्व प्रधानमन्त्री केपी शर्मा ओलीले बिहीबार उद्घाटन गरेपछि एक्स्पो सुरू...

डिएभी स्कुलमा स्पोर्ट्स मिट सुरू

विराटनगर । विराटनगर – १३ मा रहेको डिएभी स्कुलमा स्पोर्ट्स मिट सुरू भएको छ । स्कुल परिसरभित्र स्पोर्ट्स मिट सुरू भएको हो ।आइतबारसम्म संचालन हुने स्पोर्ट्स मिटमा एक दर्जन बढी खेलहरू रहेको डिएभी स्कुलका प्रिन्सिपल...

विराटनगरमा तेक्वान्दोको ग्रेडिङ परीक्षा कार्यक्रम सुरू

विराटनगर । विराटनगरमा तेक्वान्दो खेलको ग्रेडिङ परीक्षा कार्यक्रम सुरू भएको छ । प्रदेश नं. १ आइटिएफ तेक्वान्दो संघको आयोजनामा विराटनगरमा बिहीबारदेखि ग्रेडिङ परीक्षा सुरु भएको हो । तेक्वान्दोको कालोपेटी प्रथम, कालोपेटी दोस्रो र कालोपटी तेस्रो...

विराटनगर विमानस्थलमा ‘कन्भेयर बेल्ट प्रणाली’ सञ्चालन

विराटनगर । विराटनगर विमानस्थलले हवाई यात्रुको सुविधा अभिवृद्धि गर्ने योजना अनुरुप आजदेखि आगमन कक्षमा कन्भेयर बेल्ट प्रणाली( व्यागेज ह्याण्डलिङ्ग सिस्टम) सञ्चालनमा ल्याएको छ । मोफसलका विमानस्थलमा पहिलो पटके उक्त्त जडान गरिएको र यसको लागत दुई...