विराटनगर । विराटनगर – १० लालिगुरास चौकमा आगोमा जलेर एक जना वृद्धाको मृत्यु भएको छ । ८० वर्षीया देवी यादवको आगो ताप्ने क्रममा जलेर आज विहान साढे ७ बजे मृत्यु भएको मोरङ प्रहरीका प्रवक्ता डिएसपी दिपक श्रेष्ठले जानकारी दिए ।

जाडो बढेपछि वृद्धा महिला आगो बालेर बसेकी थिइन् । तेही क्रममा आगोमा जलेर मृत्यु भएको प्रहरीले जनाएको छ । वृद्धा महिलाको दुई छोरा र बुहारी छिन् । ‘छोरा धिरेन्द्र विहान दुध लिन गएका थिए । बुहारी कोठामा थइन् । वृद्ध आमालाई औषधी दिन जादा आगो सल्केको रहेछ,’ घटनास्थलमा रहेका विराटनगर १० का वडाअध्यक्ष अर्जुन गिरीले भने ।

वृद्धा फलामको मकरमा आगो ताप्ने गरेकी थिइन् । उनले लगाएको कपडाबाट आगो सल्किएको प्रराम्भिक अनुमान रहेको छ । अहिले घटनास्थलमा वडा प्रहरी कार्यालय विराटनगर ‘क’ का डिएसपी दिपेन्द्र पन्जियारको नेतृत्वमा प्रहरी टोली पुगेको छ । घटनाको अनुसन्धान सुरु भएको मोरङ प्रहरीका प्रवक्ता डिएसपी श्रेष्ठेले बताए ।