विराटनगर । यती एयरलाइन्सको आइतबार पोखरामा भएको विमान दुर्घटनामा ज्यान गुमाएका मृतकप्रति श्रद्धान्जली दिन सोमबार विराटनगरमा दिप प्रज्वलन कार्यक्रम गरेको छ ।

विराटनगर १४ मा रहेको दिव्य ज्योती हस्पिटलले विराटनगरमा दिप प्रज्वलन कार्यक्रम गरेको हो ।
बिपत्ती कम होस भन्ने कामनाका साथ हस्पिटलले दिप प्रज्वलन गरेको हस्पिटलका निर्देशक देवा यादवले बताए । दिप प्रज्वलन कार्यक्रममा हस्पिटलका संचालक तथा सर्वसाधरणहरुको उपस्थिती रहेको थियो ।

पोखरामा आइतबार भएको यती एयलाइन्सको जहाज दुर्घटनामा परी मृत्यु भएकामध्ये हालसम्म ३८ जनाको पहिचान खुलेको छ। जहाजमा चालक दलका ४ सहित ७२ जना सवार थिए।

दुर्घटनामा परेका अहिलेसम्म ६८ जनाको मृत्यु भएको पुष्टि भइसकेको छ। त्यसमध्ये ३८ जनाको शव पहिचान भएको पोखराको पश्चिमाञ्चल क्षेत्रीय अस्पतालले जनाएको छ ।